Sang Abril 13, 2022, ginatos ka tawo ang napatay kag madamo nga balay kag mga bilding ang naguba sa KwaZulu-Natal nga probinsia sa South Africa, bangod sang mabaskog nga ulan. Sa pila ka lugar, mga 300 ka milimetro nga ulan ang nagtupa sa sulod sang 24 oras. Madamo nga lugar ang nadulaan sang kuryente kag tubig. Kag madamo nga kalsada ang naguba.

• Wala sang kauturan nga napatay

• Isa ka bata sang sister ang nasamaran sang natumbahan sia sang pader

• Isa ka brother ang nasamaran sang naanod ang iya nga balay

• 27 ka balay ang nawasak

• 102 ka balay ang naguba

• 87 ka manugbantala ang nagbakwit

• 2 ka Kingdom Hall ang may gamay nga guba

• Gin-organisar ang isa ka Disaster Relief Committee para sa pagbulig

• Ang mga elder sa kongregasyon kag ang mga manugtatap sang sirkito nagahatag sang praktikal nga bulig para sa mga manugbantala nga nagakinahanglan

• Ang tanan nga pagbulig ginahimo samtang ginasunod ang mga safety protocol nga ginapatuman bangod sa COVID-19

Nagasalig gid kita nga si Jehova padayon nga magasakdag sa aton pinalangga nga mga kauturan nga nagaantos bangod sining kalamidad samtang ginahulat naton ang wala katapusan nga pagpakamaayo nga iya ginpromisa.—2 Corinto 4:18.