Sang Abril 4, 2019, isa ka daku nga sunog sa kagulangan ang natabo sa sidlangan nga bahin sang South Korea, sa Gangwon Province. Ang kalayo madasig nga naglapta, amo nga ang gobierno nagdeklarar sang isa ka national emergency. Antes nakontrol ang kalayo, nalamon na sini sang sobra 1,600 ka ektarya kag duha ka tawo ang napatay.

Ang sanga nagreport nga wala sing napatay sa aton kauturan. Pero, walo ka balay ang nasunog, kag 27 ka kauturan ang naapektuhan. Sa direksion sang sanga, ang Disaster Relief Committee kag ang manugtatap sang sirkito sa sina nga rehiyon nagabulig sa mga gulang sang kongregasyon sa paghatag sing pagpalig-on base sa Biblia kag sing praktikal nga bulig sa mga apektado sini nga trahedya.

Nagasalig kami nga para sa aton mga kauturan si Jehova ‘dalangpan kag kusog, nga handa gid magbulig sa tion sang kalisdanan.’—Salmo 46:1.