South Korea

• Naeksperiensiahan sang Korea ang pinakamalawig nga tingulan

• Ining sigesige nga pag-ulan nagresulta sa pagbaha kag mga landslide

• 16 ka kauturan ang nagbakwit

• 30 ka balay sang aton kauturan ang naguba gid

• 19 ka Kingdom Hall ang naguba gid

• Ang branch sa Korea nagtangdo sang tatlo ka Disaster Relief Committee (DRC)

• Ang mga Disaster Relief Committee, mga manugtatap sang sirkito sa naapektuhan nga mga sirkito, kag mga gulang sa lokal nga mga kongregasyon nagabuligay para maatipan ang aton mga kauturan

• Ginsugdan na ang pagpaninlo kag pagkay-o sa naguba nga mga balay kag mga Kingdom Hall

• Sa siudad sang Gurye, nga isa sa pinakagrabe nga naapektuhan, si Brother Min-seong Lee kag ang iya asawa nagbakwit kag nagbiya sa tanan nila nga pagkabutang. Ginhalitan gid sang baha ang ila balay. Sang puede na sugdan ang pagbulig, gintinluan sang mga representante sang DRC ang ila balay kag ginhatagan sila sang ila panguna nga mga kinahanglanon. Ginpalig-on man nila kag ginpaumpawan ang mag-asawa paagi sa mga teksto sa Biblia. Parte sa bulig nga ila nabaton, si Sister Lee nagsiling: “Nagapasalamat gid ako sa ila bulig. Dayaw gid ako sa ila ginhimo. Grabe gid ang ila pagpangabudlay nga daw pareho lang nga ila balay ang ila ginaobra. Nadulaan ako sing madamo nga pagkabutang, pero sa tuod lang, mas madamo ako sing natigayon.”

Nagapasalamat gid kita kay Jehova, “ang Dios nga nagahatag sang tanan nga sahi sang lugpay,” sa iya padayon nga pag-atipan sa aton mga kauturan sa Korea sa sining mabudlay nga tion.—2 Corinto 1:3, 4.