Madamo ang nahalitan bangod sang sigesige nga ulan sa nasidlangan sang Spain sang Septiembre kag Oktubre 2019. Ang pinakagrabe nga ulan nagbubo sang Oktubre 23 sa probinsia sang Tarragona, gani ang tubig sa Francolí River nag-awas kag nangin isa ka makusog nga baha. Makapasubo nga lima ka tawo ang napatay. Lakip sa ila ang duha naton ka brother nga napatay sang gin-anod ang ila salakyan samtang nagatabok sila sa isa ka taytay pauli halin sa miting.

Ginalugpayan sang mga gulang ang mga kauturan nga nagakasubo gid sa pagkapatay sang duha ka brother. Ang ila kongregasyon ginbisitahan man sang isa ka miembro sang Komite sang Sanga sang Spain para maghatag sang dugang nga pagpalig-on.

Ginapangamuyo naton nga padayon nga lugpayan ni Jehova ang aton mga kauturan sa sining mabudlay nga tion.—2 Corinto 1:3, 4.