HULYO 26, 2019
SPAIN
Madrid, Spain—“Ang Gugma Wala sing Katapusan”! nga Internasyonal nga Kombension Para sa 2019
Petsa: Hulyo 19-21, 2019
Lugar: Wanda Metropolitano Stadium sa Madrid, Spain
Lenguahe: English, Spanish, Spanish Sign Language
Pinakamadamo nga Nagtambong: 52,516
Kadamuon sang Nabawtismuhan: 434
Mga Delegado Halin sa Iban nga Pungsod: 6,300
Mga Sanga nga Gin-agda: Albania, Argentina, Bulgaria, Canada, Central America, Dominican Republic, Ghana, Hungary, Korea, Netherlands, Peru, Slovenia, Taiwan, Turkey, United States
Lokal nga Eksperiensia: Si César López, nga manedyer sang isa sa mga hotel nga gindayunan sang mga delegado, nagsiling: “Dalayawon gid ang amon naeksperiensiahan. Ang isa sa mga butang nga pirme gid ginadayaw sang amon staff amo ang klase sang mga delegado sa sini nga okasyon—palayuhum sila, mabuot, kag mainabyanon. Sa akon lang, bal-an na sang mga delegado ang inyo mensahe [“Ang Gugma Wala sing Katapusan”] antes pa man sila nagkadto diri. Ginpakita ina sang tanan nga nagdayon sa amon hotel. Gusto gid namon nga magdayon kamo diri liwat.”
Lokal nga kauturan nga mainit nga nagaabiabi sa mga delegado sa ila pag-abot sa Adolfo Suárez Madrid-Barajas Airport
Isa ka lokal nga sister upod sa isa ka delegado nga nagapang-imbitar para sa kombension sa Madrid
Mga delegado nga nagapasulod sa lugar sang kombension para sa aga nga sesyon
Mga delegado halin sa sarisari nga pungsod nga nagayuhum kag nagababay sa katapusan nga bahin sang programa sang Biernes
Duha ka bata nga Saksi sa isa sa mga lugar nga naka-stream nga nagapakita sang ginrebisar nga Bag-ong Kalibutan nga Badbad sa Spanish nga gin-download nila sa ila gadyet. Ang Biblia dungan nga ginpagua sang Biernes sa Madrid kag sa 11 ka iban pa nga lokasyon sa Spain
Isa sa 434 ka bag-o nga kauturan nga nagayuhum sa tapos sia mabawtismuhan
Ang nagbisita nga pinasahi nga bug-os tion nga mga alagad nga nagababay sa tumalambong sa katapusan nga adlaw sang kombension
Kauturan nga malipayon nga nagapalakpak sa tion sang kombension
Si Brother Gerrit Lösch, miembro sang Nagadumala nga Hubon, nagakamusta sa isa sa pinasahi nga bug-os tion nga mga alagad pagkatapos sang kombension
Mga sister nga nagasuksok sang sarisari sing kolor nga mga bayo samtang naga-perform sang isa ka tradisyonal nga Spanish dance sa isa ka evening gathering
Basi Manamian Ka Man
PARTE SA AMON
Tambungi ang 2024 nga Kombension—‘Ibantala ang Maayong Balita!’
Ginaagda ka namon nga tambungan ining tatlo ka adlaw nga kombension nga ginhanda sang mga Saksi ni Jehova.
