Sang Enero 7, 2021, ginsentensiahan sang military court sang Tajikistan si Brother Rustamjon Norov nga mapriso sing tatlo ka tuig kag tunga kay nangindi sia nga magsoldado bangod sa konsiensia.

Antes sang desisyon, ginpahambal si Rustamjon sa korte. Maisog niya nga ginsambit ang pila ka teksto sa Biblia para ipaathag sa korte kon ngaa nangindi sia nga magsoldado. Ginsugid man niya kon ano ang nakabulig sa iya para makapabilin nga mabakod.

Ginsambit niya ang Filipos 4:13: “Sa tanan nga butang may kusog ako paagi sa isa nga nagapabakod sa akon.” Nagsiling pa sia: “Sugod sang gindakop ako, nabatyagan ko gid nga wala ako ginpabay-an sang akon Dios nga si Jehova. Ginhatagan niya ako sing kusog para makapadayon, para indi magluya ang akon buot, para mangin malipayon ako pirme, kag pirme magyuhum. Ginapasalamatan ko gid sia, kag nalipay gid ako nga ginaalagad ko sia bilang isa sa iya mga Saksi.”