Sang Septiembre 3, 2020, ginpamatbatan sang Vekilbazar District Court sang Mary Region si Brother Myrat Orazgeldiyev nga mapriso sing isa ka tuig kay indi sia magsoldado bangod sa iya konsiensia. Iapelar niya ang desisyon sang korte.

Myrat Orazgeldiyev

• Natawo: 2002 (Mary City)

• Biograpiya: Nagtrabaho sia bilang waiter para masuportahan niya ang iya pamilya. Gintudluan sia sang iya nanay parte kay Jehova halin sang bata pa sia. Mahilig sia sa sports kag magsulat sang mga kanta

Si Brother Orazgeldiyev ginpatawag para magsoldado sang Hunyo 2020, isa ka bulan pagkatapos sia mag-18 anyos. Ginpaathag niya kon ngaa indi sia magsoldado kag nagpangabay nga maghimo na lang sang alternative civilian service.

Sang Hulyo 1, 2020, tatlo ka representante sang militar ang nagkadto sa balay ni Brother Orazgeldiyev para kuhaon sia, pero wala sia nag-upod. Sina man nga adlaw, gin-eksamin sia sang doktor kag suno sa doktor masarangan sang iya lawas ang pagsoldado.

Sang Hulyo 14, 2020, ginpatawag sang piskal si Brother Orazgeldiyev para kuestyunon. Pagkadason nga bulan, ginpasakaan sia sing kaso kag gin-iskedyul ang pagbista sa iya.

Nagapangamuyo kita kay Jehova kag nagasalig gid nga padayon niya nga hatagan sing kaisog kag kabakod si Brother Orazgeldiyev kag ang pulo pa ka bataon nga mga kauturan nga ara sa prisuhan.—Salmo 31:24.