Sang ulihi nga mga tinuig sang dekada ’80 may mga Saksi ni Jehova na sa Turkmenistan. Sugod sang nagbulag ini sa Soviet Union sang Oktubre 1991, ginbalabagan sang gobierno ang kahilwayan sa relihion.

Wala pa narehistro ang mga Saksi ni Jehova sa Turkmenistan. Ang iban nga Saksi nakaeksperiensia sang grabe nga pagpangkastigo, indi makatarunganon nga pag-detain, pagpang-raid, pagpriso, kag pagmulta bangod sa paghimo sang mga hilikuton sang ila relihion. May mga bes pa nga napriso sila bangod sa mga kaso nga ginhimuhimo lang sang mga pulis. Wala man sang alternative civilian service ang Turkmenistan, gani ang pamatan-on nga mga lalaki nga Saksi ginakasuhan kag ginasilutan kay indi sila magsoldado bangod sa ila konsiensia. Nag-file na sang reklamo ang mga Saksi ni Jehova sa UN Human Rights Committee kag sa iban pa nga internasyonal nga mga organisasyon parte sa sini nga mga isyu.

Sang Oktubre 2014, paagi sa amnestiya sang presidente sang Turkmenistan ginpagua ang walo ka Saksi nga indi makatarunganon nga ginpriso. Ginpasalamatan gid sang mga Saksi ang gobierno sang Turkmenistan. Nagalaum sila nga proteksionan pa gid sang gobierno ang kinamatarong sa kahilwayan sa pagsimba.