MARSO 11, 2022
UKRAINE
UPDATE #2 | Padayon nga Ginapakita sang mga Kauturan ang Gugma sa Isa kag Isa sa Nagakatabo nga Krisis sa Ukraine
Sa mga lugar nga grabe ang inaway, pareho sang Mariupol, wala sing kuryente, heating, ukon telepono kag signal sang Internet. Ang mga bintana sang madamo nga mga balay nagkalabuka. Diutay na lang ang pagkaon kag tubig. Masobra 2,500 ka kauturan ang na-trap sa Mariupol. Sa mga siudad pareho sang Bucha, Chernihiv, Hostomel, Irpin, Kyiv, kag Sumy, may tsansa ang mga tawo nga makapalagyo. Amo nga madamo sa aton mga kauturan ang nakapalagyo sa mas safe nga mga lugar.
Ang 36 anyos nga elder kag payunir nga taga-Hostomel, nagpalagyo upod sa iya asawa kag mga ginikanan. Ginsugid niya ang iya naeksperiensiahan sang nagsugod ang inaway sa ila siudad:
“Ang mga helikopter nagalupad sa ibabaw sang amon balay. Ara bisan diin ang mga salakyan sang army. Nagsulod ang mga soldado sa amon balay samtang ara kami sa basement. Ang isa sa ila nagpaarak sa basement kag naigo ang go bag ni Mama pero wala man kami maano. Sa sulod sang tatlo ukon apat ka oras, wala gid kami maghulag ukon maggahod samtang nagalinupok ang mga bomba kag ang mga pusil sa ibabaw namon. . . . Pagkasunod nga adlaw samtang nagadrayb kami palayo, nagsugod naman ang inaway malapit sa amon. May mga tangke de guerra sa dalan . . . Delikado katama ang palibot, pero mas delikado kon indi kami maghalin.
“Nagbag-o gid ang amon kabuhi bangod sining mga hitabo. Natun-an namon nga iaplikar ang madamo nga prinsipio sa Biblia. Halimbawa, natun-an namon nga indi pagkabalak-an ang buas, nga mangin kontento sa kon ano ang ara, kag magsalig kay Jehova sa pinakadelikado nga mga tion.”
Nahibaluan naton nga nakita gid sang aton Dios, nga si Jehova, ang tanan nga kabudlayan nga ginabatas sang aton mga kauturan sa Ukraine. Indi gid niya sila pagpabay-an.—2 Pedro 2:9.
Isa ka pamilya nga nagapanago sa ila basement. Nakapalagyo sila sang ulihi sa mas safe nga lugar
Ang masunod amo ang report halin sa Ukraine nga natipon asta sang Marso 10, 2022:
Epekto sa Aton mga Kauturan
2 ka kauturan ang napatay
8 ka kauturan ang nasamaran
25,407 ka kauturan ang nagbakwit pakadto sa mas safe nga mga lugar sa pungsod
25 ka balay ang nawasak
59 ka balay ang may daku nga guba
222 ka balay ang may gamay nga guba
7 ka Kingdom Hall ang naguba
Pagbulig
27 ka Disaster Relief Committees (DRC) ang nagapanghikot sa Ukraine
10,566 ka kauturan ang direkta nga ginbuligan sang DRC para makakita sang safe nga dalayunan
9,635 ka kauturan ang nagpalagyo pakadto sa iban nga pungsod kag ginabuligan subong sang ila Cristianong mga kauturan sa sina nga mga pungsod
Basi Manamian Ka Man
PADAYON NGA MAGBANTAY!
Pagdamo sang mga Refugee Halin sa Ukraine—Kon Ano ang Ginasiling sang Biblia
Ginapaathag sang Biblia kon ano ang matuod nga rason sini kag ang permanente nga solusyon.
PADAYON NGA MAGBANTAY!
Gin-atake sang Russia ang Ukraine—Nagakatuman Bala ang Tagna sang Biblia?
Hibalua ang kahulugan sini nga hitabo.
MGA PIRME GINAPAMANGKOT
Nagabulig Bala ang mga Saksi ni Jehova sa Tion sang Kalamidad?
Hibalua kon paano kami nagabulig sa tion sang kalamidad sa mga Saksi kag sa iban.