Halin sang Enero 4, 2023, ang madamol nga snow, mabunok nga ulan, kag mabaskog nga hangin nagdala sang daku nga halit sa California, U.S.A. Ining nagasundanay nga mga bagyo nagresulta sa pagbaha, mga mudslide, kag brown out. Linibo ang kinahanglan magbakwit, kag indi magnubo sa 19 ka tawo ang napatay. Grabe gid ang bagyo sa pila ka lugar amo nga ang ulan nga nagbubo sa sulod lang sang pila ka adlaw, sobra sa katunga sang ulan nga nagatupa sa ila lugar sa sulod sang isa ka tuig.

• Wala sang kauturan nga napatay

• 199 ka kauturan ang nagbakwit

• 4 ka balay ang may daku nga guba

• 141 ka balay ang may gamay nga guba

• 23 ka Kingdom Hall ang may gamay nga guba

• 1 ka remote translation office ang may gamay nga guba

• Gina-shepherding sang mga manugtatap sang sirkito kag sang mga gulang ang naapektuhan nga mga pamilya kag nagahatag man sila sang praktikal nga bulig

• 44 ka balay ang ginmedyusan para mangin safe istaran liwat

• 15 ka balay ang ginkay-o

Nagasalig kita nga paumpawan ni Jehova ang aton mga kauturan sa sining tion sang kalisdanan.—Salmo 50:15.