Bagatnan-nasidlangan sang United States

• Ining madasig kag Category 2 nga bagyo nag-landfall sa Louisiana sang Oktubre 28, 2020, kag bisan naghinay ini sang ulihi, padayon ini nga nag-igo sa pila ka lugar sa bagatnan-nasidlangan sang United States

• Ang storm surge sa mga baybayon kag ang mabaskog nga hangin naghalit sa mga propiedad kag madamo nga lugar ang nadulaan sang kuryente

• 324 ka kauturan ang nagbakwit

• 1 ka utod ang nasamaran diutay

• 291 ka balay kag 14 ka Kingdom Hall ang may gamay nga halit

• 8 ka balay kag 3 ka Kingdom Hall ang nahalitan sing grabe

• 1 ka balay ang nawasak gid

• Ang mga gulang kag mga manugtatap sang sirkito nagabuligay na para mag-shepherding kag para maatipan ang kinahanglanon sang aton mga kauturan nga nabagyuhan. Ang mga Disaster Relief Committee nga nagadumala sang pagbulig bangod sa COVID-19 kag Bagyo Laura amo man ang nagabulig sa mga lugar nga gin-agyan sang Bagyo Zeta. Padayon man nga ginatuman ang mga pagsulundan parte sa COVID-19.

Nagakasubo kita sa balita nga ginabudlayan ang aton mga kauturan bangod sa sini nga bagyo. Pero sa liwat, nakita naton ang mainunungon nga gugma ni Jehova para sa iya mga sumilimba paagi sa bulig sang aton mga kauturan.—Salmo 89:1.