Naaminhan nga California kag Oregon

• Mga 14,000 ka pag-igo sang kilat kag iban pa nga mga rason ang ginbangdan sang pagkasunog sang kagulangan sa sobra 700 ka lokasyon, nga nagsunog sang sobra 400,000 ka ektarya halin sa naaminhan nga California asta sa sarisari nga bahin sang Oregon

• Ang aso kag abo nagpahigko sang hangin amo nga delikado ini kon mahaklo. Suno sa report sang Agosto 21, ang hangin sa pila ka lugar sa naaminhan nga California amo ang pinakamahigko sa bilog nga kalibutan

• Ang duha sa sini nga sunog nga wala gihapon mapalong ginreport nga amo ang ikaduha kag ikatlo sa pinakamalapad nga sunog sa kasaysayan sang California

• 936 ka kauturan ang nagbakwit

• 2 ka balay sang aton kauturan ang nasunog gid

• Ang Disaster Relief Committee, ang mga manugtatap sang sirkito, kag ang mga gulang sang kongregasyon nagabuligay para maatipan ang mga naapektuhan

Ginaapresyar gid sang mga kauturan nga naapektuhan ang bulig sang aton organisasyon. Ang isa ka brother nagsiling: “Bisan ano pa ang matabo, ang aton mga kauturan insigida nga magabulig sa imo. Isa gid kita ka pamilya.” Ang padayon nga pagbulig nga ginahimo ebidensia gid nga wala sing bisan ano nga “makapugong nga mabaton naton ang gugma sang Dios.”—Roma 8:39.