Nasidlangan nga bahin sang United States

• Nag-landfall ang Category 1 nga Bagyo Isaias sang Agosto 3, 2020 sa North Carolina

• Ini nga bagyo nagdala sang madamo nga buhawi sang mag-agi ini sa East Coast, kag nagresulta sa daku nga halit kag pagkadula sang kuryente

• Isa ka sister ang nasamaran

• 12 ka pamilya ang nagbakwit

• 55 ka balay sang aton kauturan ang may gamay nga guba

• Lima ka balay ang naguba gid

• Madamo nga salakyan ang nahalitan

• Lima ka Kingdom Hall ang may gamay nga guba

• Ginsunod sang mga manugtatap sang sirkito kag sang mga gulang sa kongregasyon ang safety guidelines nga ginapatuman para sa COVID-19, sa ila pagpanghikot para buligan ang mga kauturan nga ginbagyuhan.

Nalipay kita nga padayon nga ginasuportahan ni Jehova ang aton mga kauturan nga ginbagyuhan. Ginahulat na gid naton ang tion nga ang tanan wala na sing “ginakahadlukan nga kalalat-an” bangod sa mga kalamidad.—Hulubaton 1:33.