Sang Mayo 2019, ginreport sa mga balita ang grabe nga mga pag-ulan kag ang mga 500 ka buhawi nga nag-igo sa United States.

Ang mga Saksi ni Jehova sa Arkansas, Indiana, Mississippi, Missouri, Ohio, Oklahoma, Pennsylvania, kag Texas apektado sini nga pag-ulan kag mga buhawi. Maayo lang kay wala kita sing kauturan nga napatay. Pero, anom ka Saksi ang nasamaran, kag apat sa ila ang naospital. Dugang pa, 6 ka balay sang aton kauturan ang nawasak gid kag 98 pa ka balay kag 12 ka Kingdom Hall ang may guba. Bilang resulta sining nawasak kag may guba nga mga balay, 84 ka kauturan naton ang nagbakwit.

Samtang padayon pa nga ginausisa sang mga utod ang kahalitan, sigesige man ang ila pag-aman sing pagkaon, tubig, kag ilistaran sa mga apektado sini nga kalamidad. Ang lokal nga mga gulang kag ang mga manugtatap sang sirkito nagahatag man sing paumpaw kag pagpalig-on sa aton kauturan.

Padayon naton nga suportahan kag ipangamuyo ang aton mga masigkatumuluo, samtang nagabangon sila sa epekto sini nga kalamidad.—2 Corinto 1:3, 4.