Sang Agosto 8, 2023, ang mabaskog nga hangin halin sa bagyo sa dagat nagpalapta sang makahalalit nga mga wildfire sa Maui, ang ikaduha sa pinakadaku nga isla sang Hawaii, U.S.A. Nasunog ang mga equipment nga ginagamit sa komunikasyon, mga balay, kag mga balaligyaan. Ginmanduan sang mga awtoridad ang mga tawo sa pila ka lugar nga magbakwit. Indi magnubo sa 55 ka tawo ang kompirmado nga napatay. Ginapalong man sang mga bombero ang gagmay nga mga wildfire sa Big Island sang Hawaii.

Ang masunod nga impormasyon ginkuha sa pinakauna nga mga report halin sa mga kauturan didto.

• Wala sang utod nga napatay ukon nasamaran

• 243 ka manugbantala ang nagbakwit

• 24 ka balay ang naguba

• 1 ka balay ang may gamay nga guba

• Wala sang Kingdom Hall ukon iban nga bilding nga ginagamit sang organisasyon ang naguba

• Ang mga manugtatap sang sirkito kag ang mga gulang didto nagahatag sang praktikal nga bulig kag paumpaw halin sa Biblia sa mga naapektuhan

• Ginaorganisar man ang dugang nga bulig para sa mga nagakinahanglan

Ginapaabot na gid naton ang tion nga dulaon sang Ginharian sang Dios ang makahalalit nga kalamidad nga nagaapekto sa madamo nga tawo sa sining katapusan nga mga adlaw, lakip sa aton mga kauturan.—Marcos 4:39.