Sang Sabado, Hulyo 13, 2019, ang Category 1 nga mabaskog nga bagyo nga sang ulihi ginhingalan nga Barry, naglaslas sa Louisiana. Gulpi ini nga naghinay pero padayon nga nagdala sang hangin, pagbaha, kag pag-brown-out sa mga estado sang Alabama, Louisiana, kag Mississippi.

Wala sing Saksi nga nasamaran ukon napatay sa sini nga bagyo, pero 123 ang nagbakwit. Dugang pa, 27 ka balay sang aton kauturan kag lima ka Kingdom Hall ang naguba.

Gina-shepherding na sang mga manugtatap sang sirkito kag sang lokal nga mga gulang ang mga nabagyuhan. Ginaaman man sang kaingod nga mga kongregasyon sang tubig, pagkaon, kag puluy-an ang mga nagakinahanglan. Ginaorganisar na sang lokal nga kauturan ang pagpangkay-o sang mga naguba.

Padayon naton nga ginapangamuyo kag ginasuportahan ang aton kauturan sa nabagatnan nga bahin sang United States samtang ginaatubang nila ang epekto sang Bagyo Barry.—Hulubaton 18:10.