Halin sang Hulyo 4, 2019, gintay-ug sang mga linog kag mga aftershock ang nabagatnan sang California sa rehiyon sang Mojave Desert. Ang isa sini amo ang magnitude 7.1 nga linog nga ginakabig nga isa sa pinakamabaskog nga mga linog nga nag-igo sa sini nga lugar sa nagligad nga duha ka dekada.

Ang sentro sang linog nag-igo malapit sa siudad sang Ridgecrest, diin nagaistar ang 215 ka kauturan. Maayo lang kay wala sa aton kauturan ang malubha nga nasamaran. Pero tatlo ka manugbantala ang may gagmay nga mga samad, kag suno sa panguna nga report pito ka manugbantala ang nagbakwit. Dugang pa, 7 ka balay sang aton kauturan ang nawasak gid kag 35 ang may gagmay nga guba. Magluwas sina, duha ka Kingdom Hall ang may gagmay man nga guba.

Ginadumalahan na sang duha ka manugtatap sang sirkito ang pagbulig sa mga nahalitan sa sini nga lugar. Gina-shepherding man sang mga manugtatap sang sirkito kag mga gulang ang mga kauturan nga nahalitan sini nga linog.

Ipangamuyo naton nga kabay nga hatagan ni Jehova sing kaalam ang mga nahalitan para maatubang ang mga kalamidad pareho sini.—Hulubaton 2:6-8.