Sang Septiembre 26, 2024, nag-landfall ang Category 4 nga Bagyo Helene sa Gulf Coast sang Florida, U.S.A. Nagdala ini sang mabunok nga ulan kag mabaskog nga hangin nga naglab-ot sa 225 ka kilometro kada oras. Sang Septiembre 27, sigesige nga nagwaswas ang Bagyo Helene pakadto sa Georgia kag nagdala sang hangin nga may kabaskugon nga naglab-ot sa sobra 95 ka kilometro kada oras. Pagkasunod nga adlaw, nag-agi ang bagyo sa South Carolina, diin nagdala ini sang mga tatlo ka buhawi. Sang nakalab-ot ang bagyo sa North Carolina, grabe ang pag-ulan sa pila ka siudad nga naglab-ot sa sobra 90 ka sentimetro nga ulan.

Bangod sa mabaskog nga hangin kag ulan nga dala sang Bagyo Helene, grabe gid ang pagbaha kag nagkalaguba ang mga balay, negosyo, kag mga dalan. Sobra isa ka milyon ka tawo ang nadulaan sang kuryente kag indi magnubo sa 180 ka tawo ang napatay.

• Makapasubo nga 3 ka brother ang napatay

• 7 ka manugbantala ang may gamay nga injury

• 1,606 ka manugbantala ang nagbakwit

• 29 ka balay ang nawasak

• 236 ka balay ang may daku nga guba

• 779 ka balay ang may gamay nga guba

• 1 ka Kingdom Hall ang may daku nga guba

• 19 ka Kingdom Hall ang may gamay nga guba

• Ang mga manugtatap sang sirkito kag ang mga gulang nagahatag sang paumpaw halin sa Biblia kag sang praktikal nga bulig sa mga kauturan nga naapektuhan sang bagyo

• May gin-asayn nga 2 ka Disaster Relief Committee para magdumala sang pagbulig

Nasubuan gid kita bangod may napatay nga mga utod sa sini nga bagyo. Pero, naumpawan kita kag napabakod sa promisa ni Jehova nga sa palaabuton ang tanan nga tawo “magakabuhi nga luwas sa katalagman kag wala sing ginakahadlukan nga kalalat-an.”—Hulubaton 1:33.