Ginwaswasan sang mabaskog nga mga bagyo ang pila ka lugar sa United States sang Enero 11 kag 12, 2020. Nahalitan gid ang madamo nga estado sang duha ka adlaw nga grabe nga ulan, hangin, kag mga buhawi. Makapasubo nga ang mag-asawa nga sanday Brother Albert Barnett nga 85 anyos kag Sister Susan Barnett nga 75 anyos napatay sang ang ila mobile home naagyan sang buhawi.

Ang branch sa United States nagreport nga indi magnubo sa apat ka balay sang aton kauturan kag duha ka Kingdom Hall ang nahalitan. Nahalitan man ang ginapanag-iyahan nga negosyo sang isa ka brother.

Ang mga gulang kag ang manugtatap sang sirkito nagahatag na sang praktikal nga bulig kag pagpalig-on halin sa Biblia sa mga naapektuhan sini nga kalamidad. Nakahibalo kita nga ang aton Amay sa langit, nga si Jehova, nagalugpay sa aton mga kauturan nga nalisdan bangod sini nga trahedya.—Salmo 34:18.