Mga lugar sa St. Vincent kag Barbados

• Sang Abril 9, 2021, nagbuga sing abo kag aso ang bulkan nga La Soufrière

• Narumpag ang pila ka mga bilding bangod sa abo kag naguba ang mga linya sang kuryente kag tubig, amo nga halos wala sing ilimnon nga tubig

• Posible nga magapadayon pa sing sinemana ang pagbuga sang bulkan

• 185 ka manugbantala sa St. Vincent kag Barbados ang nagbakwit

• Ang pinakagrabe nga nahalitan amo ang naaminhan sang St. Vincent. Indi ini gihapon makadtuan sang mga awtoridad gani wala pa nabal-an kon daw ano ka daku ang halit sa sini nga lugar

• Ang nagbakwit nga mga kauturan ginpadayon sang iban nga mga Saksi sa St. Vincent kag sa iban pa nga mga isla nga wala nalab-ot sang pagbuga sang bulkan. Ginhimo nila ini nga pagbulig samtang ginasunod ang mga protocol nga ginapatuman bangod sa COVID-19

• Ang COVID-19 Disaster Relief Committee (DRC) sa sini nga lugar gin-asayn para magbulig sa mga naapektuhan. Nagabuligay man ang DRC kag ang manugtatap sang sirkito upod sa mga gulang para maghatag sing mainom nga tubig kag sang iban pa nga kinahanglanon sang mga nagbakwit

• Naghatag naman sing bulig ang mga awtoridad sa St. Vincent kag sa St. Lucia

Ang isa ka brother nga tigulang na kag bulag, gin-rescue antes lang gid magsugod ang pagbuga sang bulkan. Samtang nagasaylo sa safe nga lugar, nakita sang mga kauturan ang pagsalasala sang mga tawo sa dalan. Nagapasalamat gid kita kay nadala sa safe nga lugar ang tanan nga kauturan.

Nagapasalamat gid kita sa bulig kag pagpalig-on sa aton mga kauturan nga naapektuhan. Pag-ilog gid ini sa aton Dios nga ‘handa nga magbulig sa tion sang kalisdanan.’—Salmo 46:1-3.