Gin-agyan sang makamamatay nga mga buhawi ang pila ka bahin sang Alabama, Florida, kag Georgia sang Domingo, Marso 3, 2019, nga nagresulta sa kamatayon sang 23 ka tawo kag madamo pa ang napilasan.

Ang sanga sang United States nagreport nga wala sing kauturan naton nga napatay. Pero, isa sa aton sister ang napilasan sang ginguba sang buhawi ang iya balay sa Fort Valley, Georgia. Ginabulong na sia subong sa malapit nga ospital. Dugang pa, ang sanga nagreport nga anom ka balay sang aton kauturan ang naguba kag apat pa ang nawasak gid. Sa panuytoy sang manugtatap sa sirkito sa sina nga lugar, ang mga kauturan nag-aman sing pagkaon, dalayunan, kag mga bayo sa naapektuhan nga kauturan, kag ang mga gulang sa sini nga lugar naghatag man sing espirituwal nga pagpalig-on.

Ginapangamuyo naton nga ang mga kauturan nga nahalitan sini nga trahedya mapaumpawan sang aton teksto para sa 2019, “Indi ka magkabalaka, kay ako imo Dios.”—Isaias 41:10.