Arkansas, Mississippi, nakatundan nga Louisiana, kag nasidlangan nga Texas

• Ang Category 4 nga Bagyo Laura nag-landfall sa nakatundan nga Louisiana sang Agosto 27, 2020. Madamo nga propiedad ang naguba bangod sa mabaskog nga hangin kag madamo nga lugar ang wala sing kuryente

• Ginakasubo namon nga ireport nga isa ka tigulang nga sister ang napatay samtang ginasaylo halin sa isa ka healthcare facility

• Isa pa gid ka sister ang nasamaran

• 3,992 ka kauturan ang nagbakwit

• 10 ka balay sang aton kauturan ang nawasak

• 95 ka balay kag 4 ka Kingdom Hall ang naguba gid

• 192 ka balay kag 16 ka Kingdom Hall ang may gamay nga guba

• Ang branch sa United States nagtangdo na sang isa ka Disaster Relief Committee

• Ang mga manugtatap sang sirkito kag ang mga gulang padayon nga nagabulig sa mga kauturan nga makakita sing temporaryo nga ilistaran samtang indi pa sila makabalik sa ila mga balay

• Ginpadayon sang mga kauturan sa kaingod nga mga lugar ang mga kauturan nga nagbakwit, samtang ginasunod nila ang mga pagsulundan nga ginapatuman bangod sang COVID-19. Ang isa ka brother nga nagbakwit, nagsiling: “Ang tanan nila nga ginhimo pagpakamaayo halin kay Jehova!”

Paagi sa pagtuman sa mga direksion kag pagbulig sa mga nagakinahanglan, ang aton mga kauturan sa mga lugar nga ginbagyuhan ‘nagrekomendar sang ila kaugalingon subong mga ministro sang Dios.”—2 Corinto 6:4.