Sang Agosto 29, 2021, nag-landfall ang Category 4 nga Bagyo Ida malapit sa Port Fourchon, Louisiana. Bangod sa mga storm surge, mabunok nga pag-ulan, kag mabaskog nga hangin madamo nga lugar sa Gulf Coast ang ginbaha kag nadulaan sang kuryente, kag madamo man ang naguba nga mga propiedad. Sang Septiembre 1, ang ikog sang Bagyo Ida nga gindunganan sang low-pressure amo ang rason kon ngaa ginbaha man kag gin-agyan sang mga buhawi ang Northeast. Sa pila ka lugar, sinemana pa igo magbalik ang kuryente.

• Wala pa kita sing may nabaton nga report nga may napatay nga utod

• 2 ka utod ang nasamaran

• 1 ka sister ang naospital bangod nasamaran sia samtang naga-evacuate

• 1,429 ka balay ang may gamay nga guba

• 183 ka balay ang naguba gid

• 19 ka balay ang nawasak

• 43 ka Kingdom Hall ang may gamay nga guba

• 10 ka Kingdom Hall ang naguba gid

• 4 ka Assembly Hall ang may gamay nga guba

• Gina-shepherding na sang mga manugtatap sang sirkito, sang mga gulang, kag sang mga miembro sang Disaster Relief Committee ang mga kauturan nga naapektuhan

• Ginhatagan naman sing nagakaigo nga bulig ang mga nagakinahanglan gid

• Ang tanan nga pagbulig ginahimo samtang ginasunod ang mga safety protocol nga ginapatuman bangod sa COVID-19

Bangod nakahanda gid ang mga kauturan kag ginsunod gid nila ang mando sang gobierno nga mag-evacuate madamo nga kabuhi ang naluwas.—Hulubaton 22:3.