Padayon gihapon ang madamo nga wildfire (pagkasunog sang kagulangan) sa California, U.S.A. Nagresulta ini sa grabe gid nga halit. Ang pinakamalapad amo ang Dixie Fire, nga nagsunog na sang sobra 187,562 ka ektarya. Amo ini subong ang ikaduha sa pinakamalapad nga sunog nga natabo sa kasaysayan sang California.

• 415 ka manugbantala ang nagbakwit

• 17 ka balay ang nasunog

• 2 ka balay ang nahalitan gid

• Ang mga manugtatap sang sirkito sa naapektuhan nga mga lugar nakig-angot na sa mga gulang sang kongregasyon. Nagabuligay sila para palig-unon paagi sa Biblia ang mga kauturan nga nasunugan kag para maghatag sing praktikal nga bulig, pareho sang pagpangita sang temporaryo nga ilistaran para sa mga nagbakwit

• Ang tanan nga pagbulig ginhimo samtang ginasunod ang mga safety protocol nga ginapatuman bangod sa COVID-19

Bisan pa sa sining tion sang kabudlayan, ginapakita gid sang mga alagad ni Jehova nga matuod sila nga mga abyan. Handa gid sila magbulig sa ila mga kauturan.—Hulubaton 17:17.