Alabama, Florida, kag Mississippi

• Ining mahinay maghulag nga Category 2 nga bagyo nag-landfall sa Alabama sang Septiembre 16, 2020. Nagdala ini sing pila ka pies nga ulan sa sulod lang sang pila ka oras, nga nagresulta sa grabe nga pagbaha

• Ang mabaskog nga hangin nga dala sini nagguba sang mga propiedad kag nagdula sang kuryente sa madamo nga lugar

• 240 ka kauturan ang nagbakwit

• 1 ka utod ang nasamaran

• 143 ka balay kag 11 ka Kingdom Hall ang may gamay nga halit

• 12 ka balay kag 1 ka Kingdom Hall ang nahalitan gid sing grabe

• Nagabuligay na ang duha ka Disaster Relief Committee, ang mga manugtatap sang sirkito, kag ang mga gulang sang kongregasyon para maatipan ang kinahanglanon sang aton mga kauturan nga nabahaan kag para palig-unon sila, samtang padayon man nga ginatuman ang mga pagsulundan parte sa COVID-19

Ang isa ka manugbantala nagsiling nga pagkatapos sang bagyo, naglalain gid sia kag grabe gid ang iya kabalaka. Pero daku gid ang iya pag-apresyar sa madasig nga pagbulig sang ila kongregasyon. Nagsiling sia: “Ginapasalamatan ko gid ang pagpalangga kag pagbulig sang mga kauturan sa akon.”—1 Juan 3:18.