Sang Nobiembre 14, 2019, ginpaniro sang isa ka estudyante ang iya mga klasmeyt sa isa ka hayskul sa Santa Clarita, California. Duha ka estudyante ang napatay niya kag tatlo ang napilasan, dayon gintiro man niya ang iya kaugalingon.

Makapasubo nga ang isa sa mga napatay amo si Dominic Blackwell, nga bata sang isa naton ka sister. Nagaedad sia sing 14 anyos kag regular nga nagatambong sa mga miting upod sa iya iloy nga si Sister Nancy Blackwell. Nagakasubo gid ang iya mga ginikanan kag ang iya tatlo ka manghod. Ang mga gulang nagahatag sing paumpaw halin sa Biblia sa pamilya kag sa lokal nga kongregasyon.

Nagakasubo gid kita nga mabalitaan ini nga trahedya. Ginahulat na gid naton ang tion nga “pahiran [sang Dios] ang tagsa ka luha . . . , kag wala na sing kamatayon, ukon paglalaw ukon paghibi ukon kasakit pa.”—Bugna 21:4.