Sobra 100 ka sunodsunod nga buhawi ang nag-agi sa bagatnan-nasidlangan sang United States halin sang Abril 12 asta Abril 13, 2020. Ang National Weather Service nagsiling nga ang isa ka nag-agi nga buhawi, nga may kalaparon nga mga duha ka milya, amo ang isa sa pinakadaku nga narekord sa kasaysayan.

Gilayon nga ginkontak sang branch ang mga manugtatap sang sirkito sa sina nga lugar para mabal-an kon ano ang natabo sa mga kauturan. Wala sang napatay sa aton mga kauturan pero isa ka sister ang nasamaran sang gin-igo sang buhawi ang iya balay. Sa kabilugan, 63 ka manugbantala ang nagbakwit, 12 ka balay ang nawasak, kag 58 ka balay ang nahalitan. Dugang pa, lima ka Kingdom Hall ang nahalitan, kag may isa ka Kingdom Hall nga naguba kay natumbahan ini sang kahoy.

Padayon nga ginausisa sang mga gulang kag mga manugtatap sang sirkito ang sitwasyon. Ginabuligan nila ang mga kauturan paagi sa paghatag sang ila materyal nga kinahanglanon kag sang paumpaw nga kinahanglan gid nila paagi sa Biblia.—Isaias 40:1.