AGOSTO 23, 2019
UNITED STATES
St. Louis, United States—“Ang Gugma Wala sing Katapusan”! nga Internasyonal nga Kombension Para sa 2019
Petsa: Agosto 16-18, 2019
Lugar: The Dome at America’s Center sa St. Louis, Missouri, United States
Lenguahe: English, Croatian
Pinakamadamo nga Nagtambong: 28,122
Kadamuon sang Nabawtismuhan: 224
Mga Delegado Halin sa Iban nga Pungsod: 5,000
Mga Sanga nga Gin-agda: Argentina, Australasia, Britain, Canada, Central Europe, Colombia, Croatia, Czech-Slovak, Finland, France, Japan, Philippines, Poland, Portugal, Scandinavia, Serbia, South Africa
Lokal nga Eksperiensia: Si Martin Gulley, nga external communications manager sang Metrolink, nagsiling: “Hapos lang magsiling nga ginapalangga mo ang isa ka tawo ukon ang isa ka butang. Pero kon wala mo ini ginapakita sa imo mga ginahimo, indi ini matuod nga gugma. Ginapakita ninyo ang gugma sa inyo mga ginahimo. Ang gugma nagahimo sa isa nga mangin mapainubuson, kag mapainubuson gid kamo. Kilala ako nga empleyado sang Metrolink bangod sa akon I.D. Kilala kamo bilang isa sa mga Saksi ni Jehova bangod sa inyo gugma.”
Si Jerry Vallely, nga external communications manager sang Bi-State Development (isa ka kompanya nga nagatinguha nga mapauswag ang ekonomiya sa rehiyon sang St. Louis), nagsiling: “Wala lang ninyo ginapamensar kon paano organisahon ang mga butang. Kundi ginapamensar gid ninyo kon paano makabenepisyo ang tanan; ang mga delegado, ang siudad, ukon kami diri sa Metrolink. Ginapamensar ninyo kon ano ang batyagon sang inyo makatrabaho kag ginatinguhaan gid ninyo nga mangin mas manami kag mas maayo ang tanan.”
Lokal nga mga kauturan nga nagahulat sa pag-abot sang mga delegado sa St. Louis Lambert International Airport
Mga delegado nga naga-cart witnessing upod sa lokal nga mga kauturan sa downtown sang St. Louis
Mga kauturan nga nagapaninlo sa “The Dome,” nga amo ang tawag sa venue, antes magsugod ang kombension
Tatlo sa 224 ka bag-o nga kauturan nga ginbawtismuhan
Si Brother David Splane, miembro sang Nagadumala nga Hubon, nagahatag sang katapusan nga pamulongpulong sa ikatlo nga adlaw sang kombension
Mga delegado nga nagayuhum samtang nagapamati sa programa
Sang Domingo, ang mga ara sa pinasahi nga bug-os tion nga pag-alagad nagababay sa mga tumalambong
Mga delegado kag lokal nga mga kauturan nga nagapapiktyur
Mga delegado nga nanamian maglantaw sang mga sapat sa Saint Louis Zoo
Mga delegado nga nagalantaw sang Biblia nga malaka lang gid makita subong—isa ka orihinal kag una nga edisyon sang 1611 King James Version—nga nakabukas sa Salmo 83:18, nga gindispley sa St. Louis Public Library. Partikular nga gindispley sang library ini nga pahina sang Biblia para makita sang mga delegado
Mga bata nga kauturan nga nagakanta sa evening gathering
Basi Manamian Ka Man
PARTE SA AMON
Tambungi ang 2024 nga Kombension—‘Ibantala ang Maayong Balita!’
Ginaagda ka namon nga tambungan ining tatlo ka adlaw nga kombension nga ginhanda sang mga Saksi ni Jehova.
