HUNYO 17, 2002—Ginkompirmar liwat sang U.S. Supreme Court ang desisyon sini sang mga dekada ’40 nga legal ang pagministeryo sang mga Saksi ni Jehova (Watchtower Bible and Tract Society of New York, Inc. v. Village of Stratton)

AGOSTO 1998—Sobra na isa ka milyon ang mga Saksi ni Jehova sa United States

ABRIL 15, 1992—Sa kaso nga Pater v. Pater, gin-ugyunan sang Ohio Supreme Court ang mga desisyon sang una nga high court. Nagdesisyon ini nga wala sang kinamatarong ang lower court nga kuhaon ang kustodiya sa isa ka ginikanan bangod lamang sang iya relihion

OKTUBRE 30, 1985—Nagdesisyon ang Mississippi Supreme Court nga ang kinamatarong sang isa nga makabaton sang pagbulong nga wala nagagamit sang dugo ginaproteksionan sang right to privacy kag sang kahilwayan sa relihion (In re Brown)

AGOSTO 31, 1972—Nagdesisyon ang District of Columbia Court of Appeals nga dapat respetuhon ang kinamatarong sang isa ka adulto nga indi magpatughong sang dugo kon naintiendihan niya sing maayo ang resulta sang iya mga desisyon (In re Osborne)

NOBIEMBRE 30, 1953—Nagdesisyon ang U.S. Supreme Court nga ang isa ka Saksi ni Jehova nga nagaalagad bilang full-time minister dapat exempted gihapon sa pagsoldado bisan pa may sekular sia nga obra (Dickinson v. United States)

1944—Naghaganhagan ang paghingabot sa mga Saksi ni Jehova

HUNYO 14, 1943—Ginbag-o sang U.S. Supreme Court ang desisyon sa kaso nga Gobitis kag nagdesisyon ini nga ang pagpilit sa isa ka Saksi nga estudyante nga maghimo sang pledge of allegiance kag magsaludo sa bandera isa ka paglapas sa iya kinamatarong sa paghambal kag relihion (West Virginia State Board of Education v. Barnette)

MAYO 3, 1943—Gin-cancel sang U.S. Supreme Court ang kasuguan nga kinahanglan sang mga Saksi ni Jehova nga magkuha sang permit antes sila makapanagtag sang relihioso nga mga literatura (Murdock v. Pennsylvania)

HUNYO 3, 1940—Nagdesisyon ang U.S. Supreme Court nga dapat magsaludo sa bandera ang mga estudyante sa public school (Minersville School District v. Gobitis); nagsugod ang sunodsunod nga paghingabot sa mga Saksi

MAYO 20, 1940—Sa una nga tion, nagdesisyon ang U.S. Supreme Court nga dapat respetuhon sang pungsod kag sang mga awtoridad ang First Amendment parte sa kahilwayan sa relihion. Dugang pa, nagsiling ang Korte nga wala nagapanggamo ang mga Saksi ni Jehova kon nagaministeryo sila (Cantwell v. Connecticut)

MARSO 28, 1938—Gin-cancel sang U.S. Supreme Court ang ginapatuman nga kasuguan nga dapat anay magkuha sang permit ang mga Saksi ni Jehova antes sila makapanagtag sang literatura (Lovell v. City of Griffin)

HULYO 26, 1931—Gin-islan sang mga Estudyante sang Biblia ang ila ngalan sing Mga Saksi ni Jehova

MAYO 14, 1919—Ginbaliskad ang sentensia sa panguna nga mga miembro sang Watch Tower Bible and Tract Society of Pennsylvania; sang ulihi gindeklarar sila nga wala sing sala

HUNYO 20, 1918—Ginsentensiahan nga guilty ang panguna nga mga miembro sang Watch Tower Bible and Tract Society of Pennsylvania kag ginpriso sila bangod sa pagbalhag sang mga materyal nga kontra kuno sa pagsuporta sang mga pungsod sa inaway

MARSO 4, 1909—Ginhimo ang Peoples Pulpit Association nga gintawag sang ulihi nga Watchtower Bible and Tract Society of New York, Inc.

ENERO 31, 1909—Ginsaylo sang mga Estudyante sang Biblia ang ila headquarters sa Brooklyn, New York

DISIEMBRE 15, 1884—Ginhimo ang isa ka legal nga korporasyon nga nakilal-an sang ulihi nga Watch Tower Bible and Tract Society of Pennsylvania

MGA TINUIG SANG DEKADA 1880—Naghimo ang mga Estudyante sang Biblia sang headquarters office sa Allegheny, Pennsylvania

HULYO 1879—Ginbalhag ang una nga isyu sang journal nga ginatawag subong nga The Watchtower

1870—Si Charles Taze Russell kag ang iya mga kaupod naghimo sang grupo para tun-an ang Biblia sa Allegheny, Pennsylvania, kag nakilal-an sila nga mga Estudyante sang Biblia