Duha ka Category 4 nga bagyo ang nagwaswas sa Vanuatu sang Marso 1 kag 4, 2023. Gamay lang ang epekto sang una nga bagyo nga Judy. Wala madugay gin-igo sang Bagyo Kevin ang amo gihapon nga mga lugar. Daku gid ang halit sini sa pila ka isla sa southern nga bahin sang pungsod, lakip sa mayor nga isla nga Efate.

• Wala sang napatay sa aton mga kauturan

• 3 ka balay ang nawasak

• 30 ka balay ang may gamay nga guba

• 2 ka Kingdom Hall ang may guba

• Ang mga manugtatap sang sirkito kag ang mga elder sa sini nga mga lugar nagabulig para mapaumpawan ang mga naapektuhan kag mahatag ang ila mga kinahanglanon

• May ginporma nga Disaster Relief Committee para magdumala sang pagbulig

Bisan pa ang aton mga kauturan sa Vanuatu nakaeksperiensia sang mabudlay nga sitwasyon, si Jehova padayon nga ‘magalugpay kag magapaumpaw’ sa ila sa madason nga mga inadlaw.—Salmo 94:19.