1 Cronica 24:1-31
24 Amo ini ang mga grupo sang mga kaliwat ni Aaron: Ang mga anak ni Aaron amo si Nadab, si Abihu,+ si Eleazar, kag si Itamar.+
2 Apang, si Nadab kag si Abihu una nga napatay sangsa ila amay,+ kag wala sila sing mga anak nga lalaki; gani si Eleazar+ kag si Itamar ang padayon nga nag-alagad bilang mga saserdote.
3 Gingrupo sila ni David kag ni Zadok+ nga halin sa mga anak ni Eleazar kag ni Ahimelec nga halin sa mga anak ni Itamar suno sa ila katungdanan sa pag-alagad.
4 Bangod mas madamo ang mga pangulo sang mga anak ni Eleazar sangsa mga anak ni Itamar, amo sini ang paggrupo sa ila: Ang mga anak ni Eleazar may 16 ka pangulo sang ila mga panimalay, kag ang mga anak ni Itamar may 8 ka pangulo sang ila mga panimalay.
5 Gingrupo man sila paagi sa pagabutgabot,+ ang isa ka grupo upod sa isa pa ka grupo, kay may mga manugdumala sa balaan nga duog kag may mga opisyal nga nagaalagad sa matuod nga Dios halin sa mga anak ni Eleazar kag sa mga anak ni Itamar.
6 Dayon ginlista ni Semaias nga anak ni Netanel kag sekretaryo sang mga Levinhon ang ila mga ngalan sa atubangan sang hari, sang mga pangulo, ni Zadok+ nga saserdote, ni Ahimelec+ nga anak ni Abiatar,+ kag sang mga pangulo sang mga panimalay sang mga saserdote kag sang mga Levinhon. Ginpagabutgabutan sing bulosbulos ang mga anak ni Eleazar kag ang mga anak ni Itamar.
7 Ang una nga nagabutan amo si Jehoiarib; ang ikaduha amo si Jedaias,
8 ang ikatlo amo si Harim, ang ikap-at amo si Seorim,
9 ang ikalima amo si Malquias, ang ikan-om amo si Mijamin,
10 ang ikapito amo si Hakoz, ang ikawalo amo si Abias,+
11 ang ikasiam amo si Jesua, ang ikanapulo amo si Secanias,
12 ang ika-11 amo si Eliasib, ang ika-12 amo si Jakim,
13 ang ika-13 amo si Hupa, ang ika-14 amo si Jesebeab,
14 ang ika-15 amo si Bilga, ang ika-16 amo si Imer,
15 ang ika-17 amo si Hezir, ang ika-18 amo si Hapizez,
16 ang ika-19 amo si Petahias, ang ika-20 amo si Jehezkel,
17 ang ika-21 amo si Jaquin, ang ika-22 amo si Gamul,
18 ang ika-23 amo si Delaias, ang ika-24 amo si Maazias.
19 Amo ini ang ila mga katungdanan sa pag-alagad+ kon magsulod sila sa balay ni Jehova suno sa pamaagi nga ginhatag ni Aaron nga ila katigulangan, suno sa ginsugo sa iya ni Jehova nga Dios sang Israel.
20 Amo ini ang iban pa nga mga Levinhon: sa mga anak ni Amram,+ si Subael;+ sa mga anak ni Subael, si Jedeias;
21 kay Rehabias:+ sa mga anak ni Rehabias, si Isias amo ang pangulo;
22 sa mga Izharnon, si Selomot;+ sa mga anak ni Selomot, si Jahat;
23 kag sa mga anak ni Hebron, si Jeria+ amo ang pangulo, si Amarias amo ang ikaduha, si Jahaziel amo ang ikatlo, si Jekameam amo ang ikap-at;
24 sa mga anak ni Uzziel, si Miqueas; sa mga anak ni Miqueas, si Samir.
25 Ang utod ni Miqueas amo si Isias; sa mga anak ni Isias, si Zacarias.
26 Ang mga anak ni Merari+ amo si Mali kag si Musi; sa mga anak ni Jaazias, si Beno.
27 Sa mga anak ni Merari: kay Jaazias, si Beno, si Soham, si Zaccur, kag si Ibri;
28 kay Mali, si Eleazar nga wala sing anak nga lalaki;+
29 kay Kis: sa mga anak ni Kis, si Jerameel;
30 kag ang mga anak ni Musi amo si Mali, si Eder, kag si Jerimot.
Amo ini ang mga anak ni Levi suno sa ila mga panimalay.
31 Nagpagabutgabot man sila+ pareho sa ginhimo sang ila mga utod nga mga anak ni Aaron sa atubangan ni Hari David, ni Zadok, ni Ahimelec, kag sang mga pangulo sang mga panimalay sang mga saserdote kag sang mga Levinhon. Ang panimalay sang magulang nga pangulo pareho lang sa panimalay sang manghod nga pangulo.
