1 Cronica 26:1-32
26 Amo ini ang mga grupo sang mga manugbantay sang gawang:+ halin sa mga Koranhon, si Meselemias+ nga anak ni Kore nga halin sa mga anak ni Asaf.
2 Kag amo ini ang mga anak ni Meselemias: ang panganay amo si Zacarias, ang ikaduha amo si Jediael, ang ikatlo amo si Zebadias, ang ikap-at amo si Jatniel,
3 ang ikalima amo si Elam, ang ikan-om amo si Jehohanan, kag ang ikapito amo si Elieho-enai.
4 Amo ini ang mga anak ni Obed-edom: ang panganay amo si Semaias, ang ikaduha amo si Jehozabad, ang ikatlo amo si Joa, ang ikap-at amo si Sacar, ang ikalima amo si Netanel,
5 ang ikan-om amo si Amiel, ang ikapito amo si Isacar, kag ang ikawalo amo si Peulletai; kay ginpakamaayo sang Dios si Obed-edom.
6 Ang iya anak nga si Semaias may mga anak man nga mga manugdumala sa ila panimalay, kay isganan sila kag sangkol nga mga lalaki.
7 Ang mga anak ni Semaias amo si Otni, si Refael, si Obed, kag si Elzabad; kag ang iya mga utod nga si Elihu kag si Samaquias mga sangkol man nga lalaki.
8 Amo ini tanan ang mga anak ni Obed-edom; sila kag ang ila mga anak kag ang ila mga utod sangkol nga mga lalaki kag may ikasarang sa pag-alagad, 62 sila halin kay Obed-edom.
9 Si Meselemias+ may mga anak kag mga utod, 18 ka sangkol nga mga lalaki.
10 Si Hosa nga halin sa mga anak ni Merari may mga anak. Si Simri amo ang pangulo. Bisan pa indi sia ang panganay, sia ang gintangdo sang iya amay bilang pangulo,
11 ang ikaduha amo si Hilkias, ang ikatlo amo si Tebalias, kag ang ikap-at amo si Zacarias. Ang mga anak kag mga utod ni Hosa 13 tanan.
12 Sa sini nga mga grupo sang mga manugbantay sang gawang, ang mga pangulo may mga katungdanan man sa pag-alagad sa balay ni Jehova, pareho sa ila mga utod.
13 Gani naggabutgabot+ ang gamay nga mga pamilya kag ang daku nga mga pamilya suno sa ila mga panimalay, para sa lainlain nga mga gawang.
14 Nagabutan ni Selemias ang gawang sa sidlangan. Naggabutgabot man sila para sa iya anak nga si Zacarias, nga maalam nga manuglaygay, kag nagabutan niya ang gawang sa aminhan.
15 Nagabutan ni Obed-edom ang gawang sa bagatnan, kag gintugyan sa iya mga anak+ ang mga bodega.
16 Nagabutan ni Supim kag ni Hosa+ ang gawang sa katundan nga malapit sa Gawang sang Sallequet sa taklaron nga dalan. Ang isa ka grupo sang mga bantay yara sa tupad sang isa pa ka grupo sang mga bantay.
17 Sa sidlangan, anom ka Levinhon ang nagabantay; sa aminhan, apat kada adlaw kag sa bagatnan, apat kada adlaw; kag tagduhaduha sa mga bodega.+
18 Sa portiko sa katundan, apat ang nagabantay sa dalan+ kag duha sa portiko.
19 Amo ini ang mga grupo sang mga manugbantay sang gawang halin sa mga anak sang mga Koranhon kag sang mga Merarinhon.
20 Halin sa mga Levinhon, si Ahias ang gintugyanan sang mga bahandian sang balay sang matuod nga Dios kag sang mga bahandian sang ginpakabalaan* nga mga butang.+
21 Halin sa mga anak ni Ladan, nga amo ang mga anak sang Gersonhon nga kaliwat ni Ladan, nga mga pangulo sang mga panimalay ni Ladan nga Gersonhon, amo si Jehieli+
22 kag ang mga anak ni Jehieli, nga si Zetam kag si Joel nga iya utod. Sila ang gintugyanan sang mga bahandian sa balay ni Jehova.+
23 Halin sa mga Amramnon, mga Izharnon, mga Hebronhon, kag mga Uzzielnon,+
24 si Sebuel nga anak ni Gersom nga anak ni Moises amo ang nagadumala sa mga bodega.
25 Ang iya mga paryente, nga mga kaliwat ni Eliezer+ amo si Rehabias,+ si Jesaias, si Joram, si Zikri kag si Selomot.
26 Si Selomot kag ang iya mga utod amo ang gintugyanan sang mga bahandian sang ginpakabalaan nga mga butang,+ nga ginpakabalaan ni Hari David,+ sang mga pangulo sang mga panimalay,+ sang mga pangulo sang linibo kag ginatos, kag sang mga pangulo sang mga soldado.
27 Ginpakabalaan nila ang iban nga mga inagaw+ sa mga inaway+ agod gamiton sa pagmentinar sang balay ni Jehova;
28 kag sang tanan man nga ginpakabalaan sang tawo nga makakita sing palanan-awon nga si Samuel,+ kag ni Saul nga anak ni Kis, ni Abner+ nga anak ni Ner, kag ni Joab+ nga anak ni Zeruias.+ Ang tanan nga butang nga ginpakabalaan ni bisan sin-o gintugyan kay Selomit kag sa iya mga utod.
29 Halin sa mga Izharnon,+ si Kenanias kag ang iya mga anak amo ang gintugyanan sang mga hilikuton sa gua sang balay sang Dios bilang mga opisyal kag mga hukom+ sang Israel.
30 Halin sa mga Hebronhon,+ si Hasabias kag ang iya mga utod, 1,700 ka sangkol nga mga lalaki, amo ang gintugyanan sa pagdumala sa Israel sa rehiyon sa katundan sang Jordan para sa tanan nga hilikuton sa pag-alagad kay Jehova kag sa pag-alagad sa hari.
31 Halin sa mga Hebronhon, si Jerias+ amo ang pangulo sang mga Hebronhon suno sa kaliwatan sang ila panimalay. Sang ika-40 nga tuig sang paghari ni David,+ ginpangita ang isganan kag sangkol nga mga lalaki sa mga Hebronhon kag nakita sila sa Jazer+ sa Gilead.
32 Ang iya 2,700 ka utod nga sangkol nga mga lalaki amo ang mga pangulo sang mga panimalay. Gintangdo sila ni Hari David sa pagdumala sa mga Rubenhon, sa mga Gadhanon, kag sa katunga sang tribo ni Manases para sa tanan nga hilikuton may kaangtanan sa matuod nga Dios kag sa hari.
Footnote
^ Ukon “gindedikar.”
