1 Cronica 27:1-34
-
Mga opisyal nga nagaalagad sa hari (1-34)
27 Amo ini ang mga grupo sang mga Israelinhon, ang mga pangulo sang mga panimalay, ang mga pangulo sang linibo kag sang ginatos,+ kag ang ila mga opisyal nga nagaalagad sa hari+ bilang mga manugdumala sa grupo sang mga soldado nga nagabulosbulos sa pag-alagad sing isa ka bulan kada tuig. Ang kada grupo may 24,000 ka soldado.
2 Si Jasobeam+ nga anak ni Zabdiel amo ang pangulo sang nahauna nga grupo nga nagaalagad sa nahauna nga bulan. Ang iya grupo may 24,000 ka soldado.
3 Halin sia sa mga anak ni Perez,+ kag sia ang nagapanguna sa tanan nga pangulo sang mga grupo nga nagaalagad sa nahauna nga bulan.
4 Si Dodai+ nga Ahohanon+ amo ang pangulo sang ikaduha nga grupo nga nagaalagad sa ikaduha nga bulan. Si Miklot amo ang lider kag ang iya grupo may 24,000 ka soldado.
5 Si Benaias+ nga anak ni Jehoiada+ nga puno nga saserdote amo ang pangulo sang ikatlo nga grupo nga nagaalagad sa ikatlo nga bulan. Ang iya grupo may 24,000 ka soldado.
6 Si Benaias isganan nga soldado kag isa sia sa treinta kag sia ang nagadumala sa treinta. Ang nagadumala sa iya grupo amo ang iya anak nga si Amizabad.
7 Si Asahel+ nga utod ni Joab+ amo ang pangulo sang ikap-at nga grupo nga nagaalagad sa ikap-at nga bulan. Si Zebadias nga iya anak amo ang nagbulos sa iya kag ang iya grupo may 24,000 ka soldado.
8 Si Samhut nga Izrahiasnon amo ang pangulo sang ikalima nga grupo nga nagaalagad sa ikalima nga bulan. Ang iya grupo may 24,000 ka soldado.
9 Si Ira+ nga anak ni Ikes nga taga-Tekoa+ amo ang pangulo sang ikan-om nga grupo nga nagaalagad sa ikan-om nga bulan. Ang iya grupo may 24,000 ka soldado.
10 Si Helez+ nga Pelonhon nga halin sa mga Efraimnon amo ang pangulo sang ikapito nga grupo nga nagaalagad sa ikapito nga bulan. Ang iya grupo may 24,000 ka soldado.
11 Si Sibbecai+ nga Husanhon nga halin sa mga Zeranhon+ amo ang pangulo sang ikawalo nga grupo nga nagaalagad sa ikawalo nga bulan. Ang iya grupo may 24,000 ka soldado.
12 Si Abi-ezer+ nga taga-Anatot+ nga halin sa mga Benjaminhon amo ang pangulo sang ikasiam nga grupo nga nagaalagad sa ikasiam nga bulan. Ang iya grupo may 24,000 ka soldado.
13 Si Maharai+ nga Netofanhon nga halin sa mga Zeranhon+ amo ang pangulo sang ikanapulo nga grupo nga nagaalagad sa ikanapulo nga bulan. Ang iya grupo may 24,000 ka soldado.
14 Si Benaias+ nga Piratonhon nga halin sa mga anak ni Efraim amo ang pangulo sang ika-11 nga grupo nga nagaalagad sa ika-11 nga bulan. Ang iya grupo may 24,000 ka soldado.
15 Si Heldai nga Netofanhon nga kaliwat ni Otniel amo ang pangulo sang ika-12 nga grupo nga nagaalagad sa ika-12 nga bulan. Ang iya grupo may 24,000 ka soldado.
16 Amo ini ang mga lider sang mga tribo sang Israel: Sa mga Rubenhon, si Eliezer nga anak ni Zicri; sa mga Simeonhon, si Sepatias nga anak ni Maaca;
17 sa kaliwat ni Levi, si Hasabias nga anak ni Kemuel; sa kaliwat ni Aaron, si Zadok;
18 sa kaliwat ni Juda, si Elihu+ nga isa sa mga utod ni David; sa kaliwat ni Isacar, si Omri nga anak ni Miguel;
19 sa kaliwat ni Zebulon, si Ismaias nga anak ni Obadias; sa kaliwat ni Neptali, si Jerimot nga anak ni Azriel;
20 sa mga Efraimnon, si Hosea nga anak ni Azazias; sa katunga sang tribo ni Manases, si Joel nga anak ni Pedaya;
21 sa katunga sang tribo ni Manases sa Gilead, si Iddo nga anak ni Zacarias; sa kaliwat ni Benjamin, si Jaasiel nga anak ni Abner;+
22 sa kaliwat ni Dan, si Azarel nga anak ni Jeroham. Amo ini ang mga pangulo sang mga tribo sang Israel.
23 Wala gin-isip ni David ang mga nagaedad sing 20 ka tuig paubos, bangod nagsaad si Jehova nga padamuon niya ang Israel pareho sang mga bituon sa langit.+
24 Ginsugdan ni Joab nga anak ni Zeruias ang pag-isip, apang wala niya ini matapos. Bangod sini, naakig ang Dios sa Israel,*+ gani ang ila kadamuon wala ginlakip sa kasaysayan sang kabuhi ni Hari David.
25 Si Azmavet nga anak ni Adiel amo ang nagadumala sa mga bahandian sang hari.+ Si Jonatan nga anak ni Uzzias amo ang nagadumala sa mga bodega* sa mga latagon, sa mga siudad, sa mga baryo, kag sa mga torre.
26 Si Ezri nga anak ni Kelub amo ang nagadumala sa mga nagaobra sa uma.
27 Si Simei nga taga-Rama amo ang nagadumala sa mga ulubasan. Si Zabdi nga taga-Sifmot amo ang nagadumala sa mga talaguan sang alak.
28 Si Baal-hanan nga taga-Geder amo ang nagadumala sa mga katamnan sang olibo kag sa mga kahoy nga sikomoro+ sa Sepela.+ Si Joas amo ang nagadumala sa mga talaguan sang lana.
29 Si Sitrai nga taga-Saron+ amo ang nagaatipan sa mga panong nga nagahalab sa Saron. Si Safat nga anak ni Adlai amo ang nagaatipan sa mga panong sa mga nalupyakan.*
30 Si Obil nga Ismaelnon amo ang nagaatipan sa mga kamelyo. Si Jedeias nga Meronotnon amo ang nagaatipan sa mga asno.*
31 Si Jaziz nga Hagarnon amo ang nagaatipan sa mga karnero. Amo ini tanan ang nagadumala sa mga pagkabutang ni Hari David.
32 Si Jonatan+ nga hinablos ni David amo ang manuglaygay kag sekretaryo. Isa sia ka tawo nga may paghangop. Si Jehiel nga anak ni Hacmoni amo ang nagaatipan sa mga anak sang hari.+
33 Si Ahitofel+ amo ang manuglaygay sang hari. Si Husai+ nga Arquinhon amo ang abyan* sang hari.
34 Si Jehoiada nga anak ni Benaias+ kag si Abiatar+ amo ang nagbulos kay Ahitofel. Si Joab+ amo ang pangulo sang mga soldado sang hari.
Footnote
^ Sa literal, “ang kaakig yara sa Israel.”
^ Ukon “bahandian.”
^ Ukon “manubo nga mga patag.”
^ Sa literal, “asno nga babayi.”
^ Ukon “suod nga abyan.”
