1 Cronica 4:1-43
4 Ang mga anak ni Juda amo si Perez,+ si Hezron,+ si Carmi, si Hur,+ kag si Sobal.+
2 Si Reaya nga anak ni Sobal amay ni Jahat; si Jahat amay ni Ahumai kag ni Lahad. Sa ila naghalin ang mga pamilya sang mga Zoranhon.+
3 Amo ini ang mga anak sang amay* ni Etam:+ si Jezreel, si Isma, kag si Idbas (kag si Hazelelponi ang ila utod nga babayi),
4 kag si Penuel amay ni Gedor, kag si Ezer amay ni Husa. Amo ini ang mga anak ni Hur+ nga panganay ni Efrata kag amay ni Betlehem.+
5 Si Ashur+ nga amay ni Tekoa+ may duha ka asawa, si Hela kag si Naara.
6 Ang iya mga anak kay Naara amo si Ahuzam, si Hefer, si Temeni, kag si Haahastari. Amo ini ang mga anak ni Naara.
7 Kag ang mga anak ni Hela amo si Zeret, si Izhar, kag si Etnan.
8 Si Koz amay ni Anub, ni Zobeba, kag sang mga pamilya ni Aharhel nga anak ni Harum.
9 Mas ginpadunggan si Jabez sangsa iya mga utod. Ginhingalanan sia sang iya iloy nga Jabez,* kay nagsiling sia: “Nasakitan gid ako sang ginbun-ag ko sia.”
10 Nagpangamuyo si Jabez sa Dios sang Israel: “Kabay pa nga pakamaayuhon mo ako kag palaparon ang akon teritoryo kag buligan mo ako kag luwason mo ako sa katalagman, agod indi ako mahalitan!” Gani ginhimo sang Dios ang iya ginpangabay.
11 Si Kelub nga utod ni Suha amay ni Mehir, nga amay ni Eston.
12 Si Eston amay ni Bet-rapa, ni Pasea, kag ni Tehina, nga amay ni Ir-nahas. Amo ini ang mga lalaki sang Reca.
13 Ang mga anak ni Kenaz amo si Otniel+ kag si Seraya, kag ang anak* ni Otniel amo si Hatat.
14 Si Meonotai amay ni Ofra. Si Seraya amay ni Joab nga amay sang pumuluyo sang Ge-harasim,* kay sampaton sila sa ila obra.
15 Ang mga anak ni Caleb+ nga anak ni Jefone amo si Iru, si Elah, kag si Naam; kag ang anak* ni Elah amo si Kenaz.
16 Ang mga anak ni Jehalelel amo si Zif, si Zifa, si Tiria, kag si Asarel.
17 Ang mga anak ni Ezra amo si Jeter, si Mered, si Efer, kag si Jalon; nagbusong sia* kag ginbun-ag niya si Miriam, si Samai, kag si Isba nga amay ni Estemoa.
18 (Kag ginbun-ag sang iya Judiyo nga asawa si Jered nga amay ni Gedor, si Heber nga amay ni Soco, kag si Jekutiel nga amay ni Zanoa.) Amo ini ang mga anak ni Bitia, nga anak sang Paraon, nga ginpangasawa ni Mered.
19 Ang mga anak sang asawa ni Hodias kag utod nga babayi ni Naham amo ang mga amay ni Keila nga Garminhon kag ni Estemoa nga Maacatnon.
20 Ang mga anak ni Simon amo si Amnon, si Rina, si Ben-hanan, kag si Tilon. Ang mga anak ni Isi amo si Zohet kag si Ben-zohet.
21 Ang mga anak ni Sela+ nga anak ni Juda amo si Er nga amay ni Leca, si Laada nga amay ni Maresa, kag ang mga pamilya sang mga manug-obra sing maayo nga klase sang tela sa panimalay ni Asbea,
22 kag si Jokim, ang mga lalaki sang Cozeba, si Joas, kag si Saraf nga nagpangasawa sing mga Moabnon, kag si Jasubi-lehem. Halin ini sa dumaan nga rekord.*
23 Mga maninihon sila nga nag-istar sa Netaim kag sa Gedera. Nag-istar sila didto kag nag-obra para sa hari.
24 Ang mga anak ni Simeon+ amo si Nemuel, si Jamin, si Jarib, si Zera, kag si Shaul.+
25 Ang iya anak amo si Sallum, ang iya anak amo si Mibsam, kag ang iya anak amo si Misma.
26 Ang anak ni Misma amo si Hamuel, ang iya anak amo si Zaccur, kag ang iya anak amo si Simei.
27 Si Simei may 16 ka anak nga lalaki kag 6 ka anak nga babayi; apang diutay lang ang mga anak nga lalaki sang iya mga utod, kag wala sila sing pamilya nga subong kadamo sang mga lalaki sang Juda.+
28 Nag-istar sila sa Beer-seba,+ sa Molada,+ sa Hazar-sual,+
29 sa Bilha, sa Ezem,+ sa Tolad,
30 sa Betuel,+ sa Horma,+ sa Ziklag,+
31 sa Bet-marcabot, sa Hazar-susim,+ sa Bet-biri, kag sa Saaraim. Amo ini ang ila mga siudad tubtob sa paghari ni David.
32 Nag-istar sila sa lima ka siudad nga amo ang Etam, Ain, Rimon, Toquen, kag Asan,+
33 kag nag-istar man sila sa mga baryo sa palibot sini nga mga siudad tubtob sa Baal. Amo ini ang listahan sang ila kaliwatan kag ang mga lugar nga ila gin-istaran.
34 Ang iban pa nga mga kaliwat ni Simeon amo si Mesobab, si Jamlec, si Josa nga anak ni Amazias,
35 si Joel, si Jehu nga anak ni Josibias nga anak ni Seraya nga anak ni Asiel,
36 kag si Elioenai, si Jaakoba, si Jesohaias, si Asaias, si Adiel, si Jesimiel, si Benaias,
37 kag si Ziza nga anak ni Sifi nga anak ni Alon nga anak ni Jedaias nga anak ni Simri nga anak ni Semaias;
38 ining ginsambit nga mga ngalan amo ang mga pangulo sang ila mga pamilya. Nagdamo gid ang panimalay sang ila katigulangan.
39 Nagkadto sila sa alagyan pakadto sa Gedor, sa sidlangan sang nalupyakan, sa pagpangita sing halalban para sa ila mga panong.
40 Sang ulihi, nakakita sila sing madabong kag maayo nga halalban, kag malapad kag malinong ini nga duta. Mga kaliwat ni Ham+ ang nag-istar diri anay.
41 Ining nalista nga mga ngalan amo ang nagsalakay sa mga tolda sang mga kaliwat ni Ham kag ni Meunim sang panahon ni Hari Ezequias+ sang Juda. Ginlaglag nila sila kag wala sing nabilin sa ila tubtob sini nga adlaw. Sila ang nagbulos sa pag-istar sa ila lugar bangod may halalban diri para sa ila mga panong.
42 Ginsalakay sang 500 ka lalaki sa mga anak ni Simeon ang Bukid Seir,+ kag ginpangunahan sila sang mga anak ni Isi nga si Pelatias, si Nearias, si Refaias, kag si Uzziel.
43 Ginpamatay nila ang nabilin nga mga Amaleknon+ nga nakapalagyo, kag nag-istar sila didto tubtob sini nga adlaw.
Footnote
^ Ang iban nga ngalan sa sini nga kapitulo mahimo nagapatuhoy sa mga lugar sa baylo nga sa mga tawo. Gani ang “amay” mahimo nagakahulugan sing “manugtukod.”
^ Ang ngalan nga Jabez mahimo may kaangtanan sa Hebreo nga tinaga nga nagakahulugan sing “kasakit.”
^ Sa literal, “mga anak.”
^ Buot silingon, “Nalupyakan sang Sampaton nga mga Trabahador.”
^ Sa literal, “mga anak.”
^ Mahimo nagapatuhoy kay Bitia sa bersikulo 18.
^ Ukon “Mga pulong ini suno sa dumaan nga tradisyon.”
