2 Cronica 27:1-9
-
Si Jotam, hari sang Juda (1-9)
27 Nagaedad si Jotam+ sing 25 ka tuig sang nangin hari sia, kag naggahom sia sa Jerusalem sing 16 ka tuig. Ang iya iloy amo si Jerusah nga anak ni Zadok.+
2 Ginhimo niya ang matarong sa panulok ni Jehova, pareho sa ginhimo sang iya amay nga si Uzias.+ Apang wala sia mangahas sa pagsulod sa templo ni Jehova.+ Kag nagahimo gihapon sing malain ang katawhan.
3 Sia ang nagpatindog sing naibabaw nga gawang sang balay ni Jehova,+ kag madamo sia sang ginpatindog sa pader sang Ofel.+
4 Nagpatindog man sia sing mga siudad+ sa kabukiran sang Juda,+ kag nagpatindog sia sing mga lugar nga may mabakod nga depensa+ kag mga torre+ sa mga kagulangan.
5 Nagpakig-away sia sa hari sang mga Ammonhon+ kag napierde niya sila. Gani sa amo nga tuig, naghatag sa iya ang mga Ammonhon sing 100 ka talanton* nga pilak, 10,000 ka cor* nga trigo, kag 10,000 ka cor nga sebada. Amo man sini ang ginbayad sa iya sang mga Ammonhon sa ikaduha kag ikatlo nga tuig.+
6 Gani nagbakod pa gid si Jotam, kay gintadlong* niya ang iya mga dalanon sa atubangan ni Jehova nga iya Dios.
7 Tuhoy sa iban pa nga natabo sa kabuhi ni Jotam, ang tanan niya nga pagpakig-away kag mga dalanon, nasulat ini sa Libro sang mga Hari sang Israel kag sang Juda.+
8 Nagaedad sia sing 25 ka tuig sang nangin hari sia, kag naggahom sia sa Jerusalem sing 16 ka tuig.+
9 Sang ulihi, napatay si Jotam pareho sang iya mga katigulangan, kag ginlubong nila sia sa Siudad ni David.+ Si Ahaz nga iya anak amo ang nagbulos sa iya bilang hari.+
Footnote
^ Ang isa ka talanton katumbas sang 34.2 ka kilo. Tan-awa ang Apendise B14.
^ Ang isa ka cor katumbas sang 220 ka litro. Tan-awa ang Apendise B14.
^ Ukon “ginhanda.”