Deuteronomio 33:1-29
33 Amo ini ang pagpakamaayo nga ginhambal ni Moises nga alagad sang matuod nga Dios sa mga Israelinhon antes sia mapatay.+
2 Nagsiling sia:
“Nag-abot si Jehova halin sa Sinai,+Kag nagsilak sia sa ila halin sa Seir.
Nagsilak sia nga may himaya halin sa kabukiran sang Paran,+Kag kaupod niya ang linaksa* ka balaan nga mga anghel,+Yara sa tuo niya ang iya mga hangaway.+
3 Ginahigugma niya ang iya katawhan;+Ang tanan nga balaan sang katawhan yara sa iya kamot.+
Nagpungko sila sa iya tiilan;+Nagpamati sila sa iya mga pulong.+
4 (Ginhatag ni Moises sa amon ang kasuguan,+Nga ginapanag-iyahan sang katilingban ni Jacob.)+
5 Nangin hari ang Dios sa Jesurun,*+Sang nagtipon ang mga pangulo sang katawhan,+Upod ang tanan nga tribo sang Israel.+
6 Magkabuhi si Ruben kag indi mapatay,+Kabay pa nga indi magdiutay ang iya mga tawo.”+
7 Ginhambal niya ini nga pagpakamaayo kay Juda:+
“Pamatii, O Jehova, ang tingog ni Juda,+Kabay pa nga ibalik mo sia sa iya katawhan.
Ginpangapinan* sang iya mga butkon kon ano ang iya,Kabay pa nga buligan mo sia batok sa iya mga kaaway.”+
8 Nagsiling sia tuhoy kay Levi:+
“Ang imo* Tumim kag ang imo Urim*+ iya sang tawo nga mainunungon sa imo,+Nga gintilawan mo sa Masa.+Nagpakigsuay ka sa iya sa tubig sang Meriba,+
9 Ang tawo nga nagsiling sa iya amay kag sa iya iloy, ‘Wala ko sila gintahod.’
Bisan ang iya mga utod wala niya ginkilala,+Kag ginpabay-an niya ang iya mga anak.
Kay ginsunod nila ang imo pulong,Kag gintuman nila ang imo katipan.+
10 Tudluan nila si Jacob sang imo mga pagsulundan+Kag ang Israel sang imo kasuguan.+
Maghalad sila sing incienso nga ang kahumot sini makapahamuot sa imo*+Kag sing bug-os nga dulot sa imo halaran.+
11 O Jehova, pakamaayuha ang iya kusog,Kabay pa nga malipay ka sa iya ginahimo.
Balia ang mga batiis* sang mga nagakontra sa iya,Agod indi na makatindog ang mga nagadumot sa iya.”
12 Nagsiling sia tuhoy kay Benjamin:+
“Ang hinigugma ni Jehova magaistar sa tupad niya nga wala sing katalagman;Samtang ginaamligan niya sia sa bug-os nga adlaw,Magaistar sia sa iya likod.”*
13 Nagsiling sia tuhoy kay Jose:+
“Kabay pa nga pakamaayuhon ni Jehova ang iya duta+Paagi sa bilidhon nga mga butang sang langit,Paagi sa tun-og kag sa tubig nga halin sa tuburan sang duta,+
14 Paagi sa bilidhon nga mga butang nga ginapatubo sang adlaw,Kag sa pinakamaayo nga patubas kada bulan,+
15 Paagi sa bilidhon nga mga butang halin sa madugay na nga kabukiran*+Kag sa bilidhon nga mga butang sang kabakuluran nga magapabilin tubtob san-o,
16 Paagi sa bilidhon nga mga butang sang duta kag sa patubas sini,+Paagi sa kahamuot sang Isa nga nagpakita sa tunukon nga kahoykahoy.+
Kabay pa nga magpabilin ini sa ulo ni Jose,Sa ibabaw sang ulo sang isa nga ginpain sa iya mga utod.+
17 Ang iya pagkahalangdon pareho sa toro nga panganay sang baka,Kag ang iya mga sungay pareho sa mga sungay sang talunon nga toro nga baka.
Paagi sa sini sungayon* niya ang mga katawhanTanan sila tubtob sa pinakamalayo nga bahin sang duta.
Amo ini ang tignapulo ka libo ni Efraim,+Kag amo ini ang linibo ni Manases.”
18 Nagsiling sia tuhoy kay Zebulon:+
“Magkasadya ka, O Zebulon, sa imo pagpanglakaton,Kag ikaw Isacar, sa imo mga tolda.+
19 Pakadtuon nila ang mga katawhan sa bukid.
Magahalad sila didto sing mga halad sang pagkamatarong.
Kay kuhaon* nila ang bugana nga manggad sang kadagatanKag ang natago nga manggad* sa mga balas.”
20 Nagsiling sia tuhoy kay Gad:+
“Pakamaayuhon ang isa nga nagapalapad sang mga dulunan ni Gad.+
Nagahigda sia didto pareho sang leon,Nga handa sa paggus-ab sang butkon kag ulo sang iya biktima.
21 Pilion niya ang pinakamaayo nga duta para sa iya kaugalingon,+Kay ihatag ini didto sang manughatag sing kasuguan.+
Magatipon ang mga pangulo sang katawhan.
Ipatuman niya ang pagkamatarong ni Jehova,Kag ang iya mga paghukom para sa Israel.”
22 Nagsiling sia tuhoy kay Dan:+
“Si Dan isa ka totoy nga leon.+
Magalumpat sia halin sa Basan.”+
23 Nagsiling sia tuhoy kay Neptali:+
“Bugana si Neptali sa kahamuot ni JehovaKag puno sia sang iya pagpakamaayo.
Panag-iyahi ang duta sa katundan kag sa bagatnan.”
24 Nagsiling sia tuhoy kay Aser:+
“Pakamaayuhon si Aser sing mga anak.
Kabay pa nga kahamut-an sia sang iya mga utod,Kag kabay pa nga itum-oy* niya ang iya tiil sa lana.
25 Ang imo mga gawang may trangka nga salsalon kag saway,+Kag mangin hilway ka sa katalagman sa bug-os mo nga kabuhi.*
26 Wala sing pareho sa matuod nga Dios+ sang Jesurun,+Nga nagasakay sa langit sa pagbulig sa imoKag nagasakay sa mga panganod nga may pagkahalangdon.+
27 Ang Dios isa ka dalangpan halin pa sang una,+Ang iya mga butkon nga magapabilin tubtob san-o magaalay-ay sa imo.+
Kag tabugon niya ang kaaway sa imo atubangan,+Kag masiling sia, ‘Laglaga sila!’+
28 Ang Israel magapuyo nga wala sing katalagman,Kag ang tuburan ni Jacob magaisahanonSa duta sang uyas kag bag-o nga alak,+Diin ang kalangitan magapatulo sang tun-og.+
29 Malipayon ka, O Israel!+
Sin-o ang pareho sa imo,+Isa ka katawhan nga ginaluwas ni Jehova,+Nga amo ang taming nga nagaamlig sa imo,+Kag ang imo halangdon nga espada?
Ang imo mga kaaway magapalangupos sa kahadlok sa imo atubangan,+Kag tapakon mo ang ila mga likod.”*
Footnote
^ Ukon “tignapulo ka libo.”
^ Buot silingon, “Isa nga Matadlong,” isa ka titulo sa pagpadungog sa Israel.
^ Ukon “Ginpakig-away.”
^ Ang “imo,” ang “mo,” kag ang “ka” sa sini nga bersikulo nagapatuhoy sa Dios.
^ Sa literal, “sa imo ilong.”
^ Ukon “balikawang.”
^ Sa literal, “sa ulot sang iya mga abaga.”
^ Ukon mahimo, “kabukiran sa sidlangan.”
^ Ukon “itulod.”
^ Sa literal, “supsupon.”
^ Ukon “bahandi.”
^ Ukon “hinawan.”
^ Sa literal, “Kag ang imo kusog mangin pareho sang imo mga adlaw.”
^ Ukon mahimo, “mataas nga mga duog.”
