Ezequiel 19:1-14
-
Panalambiton para sa mga pangulo sang Israel (1-14)
19 “Dapat ka mag-amba sing panalambiton* tuhoy sa mga pangulo sang Israel
2 kag magsiling ka,‘Ano ang imo iloy? Isa ka leon nga babayi kaupod sang iban nga mga leon.
Nagaluko sia upod sa makusog nga bataon nga mga leon* kag ginaatipan niya ang iya mga totoy.
3 Ginpadaku niya ang isa sang iya mga totoy kag nangin makusog ini nga bataon nga leon.+
Nakatuon ang iya totoy sa pagpanukobBisan tawo ginakaon sini.
4 Nabalitaan sang mga pungsod ang tuhoy sa iya totoy kag gindakop nila sia sa ila buho,Kag ginkaw-itan nila sia kag gindala sa Egipto.+
5 Naghulat ang iloy kag nakita niya nga wala na sing paglaum nga makabalik pa ang iya totoy.
Gani ginkuha niya ang isa pa niya ka totoy kag ginpadala ini subong makusog nga bataon nga leon.
6 Nag-upod man ang iya totoy sa iban nga mga leon kag nangin makusog ini nga bataon nga leon.
Nakatuon ini sa pagpanukob kag bisan tawo ginakaon sini.+
7 Nagaluyong sia sa mga torre nga ginaistaran sang mga tawo, kag ginaguba niya ang ila mga siudad,Gani wala na sing nagaistar sa sini nga lugar kag ang pagngurob lamang niya ang mabatian.+
8 Ginsalakay sia sang mga pungsod halin sa mga distrito sa palibot kag ginladlad nila ang ila lambat sa iya,Kag nadakop sia sa ila buho.
9 Ginkaw-itan nila sia kag ginbilanggo sa hawla kag gindala sa hari sang Babilonia.
Ginbilanggo nila sia didto amo nga indi na mabatian ang iya pagngurob sa kabukiran sang Israel.
10 Ang imo iloy kaangay sang isa ka puno sang ubas+ sa imo dugo,* nga gintanom sa higad sang katubigan.
Madamo ini sing bunga kag mga sanga bangod sang bugana nga tubig.
11 Nangin mabakod ang mga sanga* sini kag mahimo himuon nga setro sang mga hari.
Nangin mataas ini sangsa iban nga mga kahoy,Kag kitaon gid ini bangod sang kataason kag kadabong sini.
12 Apang gingabot+ sia bangod sa kaakig kag ginhaboy sia sa duta,Kag nalaya ang iya bunga bangod sang hangin halin sa sidlangan.
Ginbanggi ang iya mabakod nga mga sanga kag nalaya,+ kag ginlamon ini sang kalayo.+
13 Dayon ang puno sang ubas gintanom sa kamingawan,Sa mamala, kag kigas nga duta.+
14 Naglapta ang kalayo halin sa mga sanga* sini kag ginlamon ang mga ugbos kag mga bunga sini,Kag wala na sing nabilin nga mabakod nga sanga nga mahimo himuon nga setro sang hari.+
“‘Ina isa ka panalambiton, kag ini mangin isa ka panalambiton.’”
Footnote
^ Ukon “ambahanon sang paglalaw.”
^ Ukon “sa may bungaybungay nga bataon nga mga leon.”
^ Ukon mahimo, “kaangay sang isa ka puno sang ubas sa imo ulubasan.”
^ Ukon “bilugon.”
^ Ukon “bilugon.”
