Job 13:1-28
13 “Huo, nakita ko ini tanan,Nabatian kag nahangpan ko ini.
2 Ang nahibaluan ninyo, nahibaluan ko man;Indi kamo labaw sa akon.
3 Mas luyag ko pa nga mahambal ang Labing Gamhanan;Luyag ko mangatarungan sa Dios.+
4 Kay ginabutangbutangan ninyo ako;Kamo tanan wala sing pulos nga mga manugbulong.+
5 Maayo pa nga maghipos na lang kamo,Kay amo ini ang maalamon nga himuon ninyo.+
6 Palihug, pamatii ang akon pangatarungan,Kag talupangda ang akon ginahambal.
7 Magahambal bala kamo sing malain para sa Dios,Kag sing kabutigan para sa iya?
8 Dampigan bala ninyo sia,*Pangapinan bala ninyo ang matuod nga Dios?
9 Kon usisaon niya kamo, masapwan bala niya kamo nga maayo?+
Dayaan bala ninyo sia kaangay sang pagdaya ninyo sa tawo?
10 Sabdungon gid niya kamoKon pakunokuno nga nagadampig kamo sa iya;+
11 Indi bala kamo mahadlok kag makugmatBangod sang iya pagkahalangdon?
12 Ang inyo maalamon* nga mga hulubaton wala sing pulos kaangay sang abo;Ang inyo pangatarungan* madali madugmok kaangay sang taming nga daga.
13 Maghipos kamo agod makahambal ako.
Pabay-i lang ninyo ako bisan ano ang matabo sa akon!
14 Ngaa ibutang ko sa katalagman ang akon kaugalingon*Kag ang akon kabuhi* sa akon mga kamot?
15 Magahulat ako bisan pa patyon niya ako;+Ipakigbato ko ang akon kaso* sa iya atubangan.
16 Sia man ang magaluwas sa akon,+Kay ang tawo nga wala sang Dios* indi makapalapit sa iya.+
17 Pamatii ninyo sing maayo ang akon ihambal;Talupangda ninyo ang akon isiling.
18 Karon, ginahanda ko ang akon kaso;Nakahibalo ako nga husto ako.
19 Sin-o ang may panumbungon batok sa akon?
Mapatay ako kon maghipos lang ako!*
20 O Dios ko, duha lang ka butang ang akon pangayuon,*Agod indi na ako manago sa imo:
21 Ipalayo sa akon ang imo mabug-at nga kamot,Kag indi na ako pagpahadluka.+
22 Maghambal ka sa akon kag sabton ko ikaw,Ukon ako ang mahambal kag sabton mo ako.
23 Ano ang akon mga sala?
Sugiri ako sang akon mga paglapas kag sala.
24 Ngaa ginalipdan mo ang imo nawong+Kag ginakabig ako nga kaaway?+
25 Pahugon mo bala ang dahon nga ginpalid sang hanginUkon lagson ang laya nga dagami?
26 Kay ginasulat mo ang mga panumbungon batok sa akonKag ginapapanabat ako sang akon mga sala sang bata pa ako.
27 Ginabutang mo ang akon mga tiil sa pandog,Ginabantayan mo ang tanan ko nga ginalaktan;Kag ginasubay mo ang akon mga tikang.
28 Gani ang tawo* kaangay sang butang nga nagakadunot,Kaangay sang panapton nga gin-ut-ot sang mga sapatsapat.
Footnote
^ Ukon “Pasulabihon bala ninyo sia.”
^ Ukon “halandumon.”
^ Sa literal, “mga taming.”
^ Sa literal, “Ngaa dalhon ko ang akon unod sa akon ngipon?”
^ Ukon “kalag.”
^ Ukon “Pangapinan ko ang akon mga dalanon.”
^ Ukon “ang apostata.”
^ Ukon mahimo, “Kon may maghimo sini, magahipos ako kag mapatay.”
^ Sa literal, “duha lang ka butang ang indi paghimua sa akon.”
^ Sa literal, “sia,” mahimo nagapatuhoy kay Job.
