Job 28:1-28
28 “May lugar diin ginamina ang pilakKag may lugar diin ginapapuro ang bulawan;+
2 Ang salsalon ginakuha sa duta,Kag ang saway ginakuha* halin sa mga bato.+
3 Ginapasanag sang tawo ang kadulom;Nagakutkot sia tubtob sa iya masarangan sa madulom nga duta,Sa pagpangita sing mga bato nga ginakuhaan sing metal.*
4 Nagakutkot sia sing buho malayo sa mga pamalay,Sa lugar nga wala ginakadtuan ukon ginaagyan;Ang iban nagapanaug nga nagakabit sa lubid kag nagahabyoghabyog.
5 Ang ibabaw sang duta nagapatubas sing pagkaon;Apang ang idalom sini ginaguba nga daw paagi sa kalayo.*
6 Ang mga bato didto may sapiro,Kag ang yab-ok may bulawan.
7 Ang alagyan pakadto sa sini indi matultulan sang agila;Kag wala makita sang itom nga dapay.
8 Wala ini maagyan sang mabangis nga mga sapat;Wala ini makadtuan sang leon.
9 Ginabuka sang tawo ang matig-a nga bato paagi sa iya kamot;Ginabungkal niya ang tiilan sang mga bukid.
10 Nagahimo sia sing mga ililigan+ sang tubig sa bato;Nakita niya ang tanan nga bilidhon nga mga butang.
11 Ginapunggan niya ang pag-ilig sang mga tuburan sang mga subaKag ginadala niya sa kapawa ang natago nga mga butang.
12 Apang diin makita ang kaalam,+Kag diin ang tuburan sang paghangop?+
13 Wala makahibalo ang tawo sang bili sini,+Kag indi ini makita bisan diin sa kalibutan.
14 Ang madalom nga katubigan nagsiling, ‘Wala ini sa akon!’
Kag ang dagat nagsiling, ‘Wala man ini sa akon!’+
15 Indi ini mabakal sang puro nga bulawan;Ukon mabayluhan sang pilak.+
16 Indi man ini mabakal sang bulawan sang Ofir+Ukon sang talagsahon nga bato nga oniks kag sapiro.
17 Indi ini mapaanggid sa bulawan kag kristal;Ukon mabayluhan sang suludlan nga human sa puro* nga bulawan.+
18 Indi ini mapaanggid sa mga korales kag bato nga kristal,+Kay ang kaalam mas mahal pa sangsa perlas.
19 Indi ini mapaanggid sa topasio+ sang Cus;Indi ini mabakal sang puro nga bulawan.
20 Apang diin nagahalin ang kaalam,Kag diin ang tuburan sang paghangop?+
21 Wala sing buhi nga tinuga ang nakakita sini+Kag natago ini bisan sa mga pispis.
22 Ang kalaglagan kag kamatayon nagsiling,‘Nabalitaan namon ang tuhoy sa sini.’
23 Nahangpan sang Dios ang paagi agod makita ini;Sia gid lang ang nakatultol kon diin ini nagaistar,+
24 Kay makita niya ang pinakamalayo nga bahin sang duta,Kag ang tanan nga butang sa idalom sang langit.+
25 Sang ginhatagan niya sing kusog* ang hangin+Kag gintakus ang tubig,+
26 Sang ginhatagan niya sing pagsulundan ang ulan+Kag ginhimuan sing alagyan ang gal-um kag daguob,+
27 Dayon nakita niya ang kaalam kag ginpaathag ini;Ginpalig-on niya kag gintilawan ini.
28 Kag nagsiling sia sa tawo:
‘Ang kahadlok kay Jehova amo ang kaalam,+Kag ang paglikaw sa malain amo ang paghangop.’ ”+
Footnote
^ Sa literal, “ginabubo.”
^ Sa literal, “sing bato.”
^ Mahimo nga nagapatuhoy sa pagmina sa idalom sang duta.
^ Ukon “gin-ulay.”
^ Sa literal, “bug-at.”