Salmo 122:1-9
Ambahanon sang mga Nagataklad. Salmo ni David.
122 Nagkalipay ako sang nagsiling sila sa akon:
“Makadto kita sa balay ni Jehova.”+
2 Nagkadto kami didto,Kag nagtindog sa sulod sang imo mga gawang, O Jerusalem.+
3 Ang Jerusalem isa ka siudad nga ginpatindogSing mabakod kag may paghiusa.+
4 Ang mga tribo sang Israel nagataklad didto,Ang mga tribo ni Jah,*Suno sa sugo nga ginhatag sa Israel,Agod magpasalamat sa ngalan ni Jehova.+
5 Kay didto nahamtang ang mga trono sa paghukom,+Ang mga trono sang panimalay ni David.+
6 Magpangamuyo kamo para sa paghidait sang Jerusalem.+
Ang mga nagahigugma sa imo, O siudad, mangin malig-on.
7 Kabay nga magpadayon ang paghidait sa sulod sang imo mga pamakod,*Kag ang kalig-unan sa sulod sang imo napamakuran nga mga torre.
8 Tungod sa akon mga utod kag mga kaupdanan magasiling ako:
“Kabay nga may paghidait sa sulod mo.”
9 Tungod sa balay ni Jehova nga aton Dios,+Nagapangamuyo ako para sa imo kauswagan.
