Salmo 24:1-10
-
Ang mahimayaon nga Hari nagsulod
-
“Ang duta iya ni Jehova” (1)
-
Salmo ni David. Isa ka ambahanon.
24 Ang duta iya ni Jehova kag ang tanan nga yara sa sini,+Ang mapatubason nga duta kag ang mga nagapuyo sa sini.
2 Kay ginpasad niya ini sa ibabaw sang kadagatan+Kag gintukod niya ini sa ibabaw sang kasubaan.
3 Sin-o ang mahimo magtaklad sa bukid ni Jehova?+Sin-o ang mahimo magtindog sa iya balaan nga duog?
4 Ang tawo nga wala sing sala kag matinlo sing tagipusuon,+Nga wala nagapanumpa sing binutig paagi sa Akon kabuhi,*Ukon wala nagapangdaya paagi sa sumpa.+
5 Magabaton sia sing pagpakamaayo halin kay Jehova+Kag sing pagkamatarong* halin sa Dios sang iya kaluwasan.+
6 Amo ini ang kaliwatan sang mga nagapangita sa iya,Sang mga nagatinguha nga mabaton ang imo kahamuot,* O Dios ni Jacob. (Selah)
7 Bayawa, O mga gawang, ang inyo ulo;+Magbukas kamo,* O dumaan nga mga puertahan,Agod makasulod ang mahimayaon nga Hari!+
8 Sin-o bala ining mahimayaon nga Hari?
Si Jehova nga makusog kag gamhanan,+Si Jehova nga gamhanan sa inaway.+
9 Bayawa, O mga gawang, ang inyo ulo;+Magbukas kamo, O dumaan nga mga puertahan,Agod makasulod ang mahimayaon nga Hari!
10 Sin-o bala ining mahimayaon nga Hari?
Si Jehova sang mga kasuldadusan—sia ang mahimayaon nga Hari.+ (Selah)
Footnote
^ Ukon “Akon kalag,” nagapatuhoy sa kabuhi ni Jehova nga sa sini nagapanumpa ang isa.
^ Ukon “hustisya.”
^ Sa literal, “mga nagapangita sang imo nawong.”
^ Ukon “Magtindog kamo.”
