Salmo 8:1-9
Para sa pangulo sang musika sang Gitit.* Salmo ni David.
8 O Jehova nga amon Ginuo, tuman kahalangdon ang imo ngalan sa bug-os nga duta;Ginpakataas mo ang imo kadungganan labaw pa sa kalangitan!+
2 Paagi sa baba sang mga bata kag mga lapsag+ ginpakita mo ang imo kusogBangod sa imo mga kaaway,Agod pahipuson ang kaaway kag ang manugtimalos.
3 Kon makita ko ang kalangitan, ang binuhatan sang imo mga tudlo,Ang bulan kag ang kabituunan nga imo ginhimo,+
4 Ano gid bala ang mamalatyon nga tawo nga ginadumdom mo sia,Kag ang anak sang tawo nga ginaatipan mo sia?+
5 Ginhimo mo sia nga mas manubo sangsa mga anghel,*Kag ginkoronahan mo sia sing himaya kag dungog.
6 Ginpagahom mo sia sa imo mga binuhatan;*+Ginbutang mo ang tanan sa idalom sang iya mga tiil:
7 Ang tanan nga panong kag kasapatan,Subong man ang ilahas nga mga sapat,*+
8 Ang kapispisan sang kalangitan kag ang kaisdaan sang kadagatan,Ang bisan ano nga nagalangoy sa kadagatan.
9 O Jehova nga amon Ginuo, tuman kahalangdon ang imo ngalan sa bug-os nga duta!
Footnote
^ Ukon “mga tulad-dios.”
^ Sa literal, “sa mga binuhatan sang imo mga kamot.”
^ Sa literal, “ang mga sapat sa latagon.”
