Mga Binuhatan Sang mga Saksi ni Jehova sa Moderno nga Tion

Moldova

Sa kapin sa 60 ka tuig, ang mga Saksi ni Jehova sa Moldova nag-antos sa idalom sang monarkiya sang Romania, sang Pasista nga rehimen, kag sang Komunista nga rehimen. Sa idalom sang monarkiya kag sang Pasista nga rehimen, ang dugang nga pag-ipit ginhimo sang Ortodokso nga Simbahan. Walay sapayan sini, ang Moldova isa karon sa may pinakamadamo nga mga Saksi sa kalibutan kon ipaanggid sa populasyon sini! Basaha kon paano ginapabakod ni Jehova ang tanan nga nagakahadlok sa iya kag ginahatagan sing kadalag-an ang tanan nga wala nagapadaug sa kahadlok sa tawo.

Ang Duha ka Congo

Ano ang imo ginahunahuna kon mabatian mo ang tinaga nga “Congo”? Para sa madamo, ginahunahuna nila ang sobra kainit nga kagulangan, nga tuman kadabong amo nga ang silak sang adlaw wala nagalab-ot sa duta. Sa tunga sang magalong nga gahod sang mga amu kag mga pispis, mabatian mo ang gahod sang mga tambor nga nagapaalinton sing mga mensahe gikan sa malayo nga mga minuro. Ayhan ginapanan-aw mo ang isa ka daku kag malubog nga suba, nga nagalikoliko sing amat-amat subong sang isa ka daku nga man-ug sa alibutod mismo sang Aprika. Magluwas sa sini, ang Congo may madamo pa nga mga kinaiya. Duha ka pungsod ang nagagamit sang ngalan sang suba nga amo ang nagabulag sa ila. Ang imo pagtuo mapabakod samtang ginabasa mo kon paano ginpalapnag sang maisog nga mga lalaki kag mga babayi ang kamatuoran sang Biblia sa tanan nga bahin sining makawiwili nga rehiyon sa duta.