Mga Binuhatan sang mga Saksi ni Jehova sa Moderno nga Tion

Tahiti

Ang mga isla sang French Polynesia, nga nagalakip sa Tahiti, amo ang pila sa pinakamatahom nga mga isla sa kalibutan. Ginalaragway ini sang mga mamalaybay kag mga manunulat subong paraiso. Apang may makagalanyat pa nga paraiso sa sining matahom nga mga isla sa Pasipiko. Hibalua kon paano ining mas importante nga paraiso nagluntad kag kon paano ini padayon nga nagapatubas sing bugana nga mga bunga sa kadayawan ni Jehova.

Guyana

Ang Guyana nagakahulugan sing “Duta sang mga Tubig.” Ining nagakaigo nga pagtawag makita sa dalagku nga mga suba sang pungsod, nga madamo sa sini ang nangin panguna nga mga alagyan pakadto sa mga minuro kag mga banwa sa interyor. Basaha kon paano ginagamit sang mga Saksi ni Jehova ang mga baruto, de-bugsay nga mga bangka, kag mga barko agod tuytuyan pakadto sa “tubig nga buhi” ang makawiwili kag nagkalainlain sing rasa nga mga pumuluyo sini nga pungsod, ang lamang nagahambal-sing-Ingles nga pungsod sa Bagatnan nga Amerika.​—Juan 4:10.

Iceland

Nahamtang sa bagatnan sang Arctic Circle, malayo sa mga tropiko, ang Iceland matahom gid nga pungsod. Ang dalagku nga mga yelo, mga bulkan, kag mga bukid nagapatahom sa sining pungsod. Apang ang labaw pa nga katahom makita sa mga tawo nga nagaalagad kay Jehova. Sa sini nga kasaysayan, mahibaluan mo kon paano ginsulang kag ginbatas sang mga alagad sang Dios ang mabudlay nga mga kahimtangan sa pagsugid sa iban sang kamatuoran sang Biblia.