Mga Binuhatan Sang mga Saksi ni Jehova sa Moderno nga Tion

Bagatnan nga Aprika

Sa sulod sang mga dekada, ang mga tawo sa sini nga pungsod napain indi lamang bangod sang lenguahe kundi bangod man sang kasuguan. Ang estrikto nga mga kasuguan sa rasa nagadikta kon sa diin dapat ang isa ka tawo magpuyo, magkadto, magtrabaho, kag mag-eskwela. Sa sini nga kasaysayan, mabasahan mo kon paano ang mga Saksi ni Jehova nag-uswag sa espirituwal kag nahuptan nga mapag-on ang paghiusa batok sa rasismo, pagpainpain, kag inaway sibil.

Latvia

Sa tion sang mapintas nga dag-on sang Komunista, paano nalikawan sang pila ka Saksi nga madakpan? Ngaa nakasiling ang isa ka lalaki nga: “Nagapasalamat gid ako nga gintugutan sang Dios nga ipadala ako sa kampo nga palangabudlayan”? Kag ano ang resulta sang ang nasyonal nga kampeon sa weight-lifting nagbaton sang kamatuoran sa Biblia? Mabasa mo sa sini nga kasaysayan nga bisan pa sang dinekada nga pagpamigos, ang katawhan sang Dios sa Latvia nakatigayon sing kahilwayan—espirituwal nga kahilwayan.

Réunion

Ang hilikuton sa sining tropikal nga isla nasugdan sang ang isa ka pamilya nga Saksi nag-abot sang 1961. Basaha kon paano nila gintatap ang ginpakita nga interes sa maayong balita. Basaha kon paano ang isa ka yahong nga kaldo nagpahulag sa isa ka manugpamatok nga mamati sa katawhan sang Dios. Kag tukiba kon ngaa ang apat ka maisog nga manugbantala sang Ginharian nagkadto sa nalupyakan sa sulod sang patay nga mga bulkan.