2011 Tuigan nga Teksto

“Magdangop sa Ngalan ni Jehova.”—SOFONIAS 3:12, NW.

“Ang tanan nga tinuga padayon nga nagaugayong sing tingob kag ginasakitan sing tingob tubtob karon.” (Roma 8:22) Ini nga mga pulong indi gid mapanghiwala. Minilyon ang nangin biktima sang inhustisya, pagpigos, kalamidad, sakit, kaimulon, inaway, kag krimen. Bisan kita nga nagaalagad kay Jehova apektado man sa sini. Kaangay ni Jesus, nagaeksperiensia man kita sing di-pagsapak, dumot, kag paghingabot.

Bisan pa sa mga problema sa kalibutan ni Satanas, wala kita nagakadulaan sing paglaum. Sa baylo, nagakalipay kita bangod nahibaluan naton nga sa indi madugay, dulaon ni Jehova ang tanan nga pag-antos. Nagalaum gid kita kag nagasalig sa aton Dios. Huo, nagadangop kita kay Jehova, kay wala gid niya ginapaslaw ang mga matutom sa iya.