2012 Tuigan nga Teksto

“Ang imo pulong kamatuoran.” —JUAN 17:17.

Nagapasalamat gid kita nga ang aton mahigugmaon nga Amay sa langit nagpahayag sang kamatuoran sa aton! Ang iya Pulong nagapakita kon ano ang pinakamaayo nga paagi sang pagkabuhi kag kon paano mangin malipayon. Nagaamlig ini sa aton gikan sa paghingamo sa wala pulos kag makahalalit nga mga butang, nagahilway sa aton sa relihioso nga mga kabutigan, kag nagahatag sing matuod nga kalinong sa hunahuna. Nagahatag ini sing kahulugan sa aton kabuhi sa karon kag sing dalayawon nga paglaum sa palaabuton.

Ang kamatuoran nagapahiusa sa aton sa minilyon naton ka kauturan sa bug-os nga duta. Labaw sa tanan, nagatudlo ini sa aton parte kay Jehova kag kon paano mangin suod sa iya. Indi gid naton dapat pagpakadiutayon ang kamatuoran nga ginhatag ni Jehova. Kabay nga magkalipay kita sa kamatuoran kag magpagiya sa sini sa tanan naton nga dalanon.