“SANG 1987, kapin sa 1,000 ka delegado ang nagtambong sa ‘Magsalig kay Jehova’ Distrito nga Kombension sa Guékédou, Guinea. Bangod ang duog nga hiwatan sang kombension malapit lang sa dulunan sang Sierra Leone kag Liberia, madamo nga delegado sa sini nga mga pungsod ang nagdesisyon nga magbiyahe kada adlaw. Pero, kulang ang ila mga papeles. Gani nakig-istorya ang responsable nga mga brother sa mga pulis nga nagabantay sa dulunan kag nakahimo sila sing kasugtanan. Ang kinahanglan sang mga delegado isa lamang ka dokumento—ang ila badge card! Kon makita sang mga pulis ang masiri nga orens nga card, ginasenyasan nila gilayon ang mga delegado nga magderitso.”—Everett Berry, isa anay ka misyonero.