SANG 1985, sa edad nga 18 ginpatawag ako nga magsoldado sa Soviet. Natublag gid ako sa inhustisya kag pagpamigos nga nagakatabo sa militar, gani ginhunahuna ko, ‘Indi ko gusto nga mangin pareho sa ila.’ Pero daw indi ko ini mahimo. Gusto ko gid bag-uhon ang akon pagkabuhi.

Sang natapos na ako sa pagkasoldado, nagpauli ako. Isa ka gab-i, sa tapos sang isa ka party, nangamuyo ako sa Dios nga buligan ako nga bag-uhon ang akon pagkabuhi. Pagkasunod nga adlaw, sang pakadto ako sa ulubrahan, naghapit ako sa akon tiya nga isa ka Saksi ni Jehova. Pagsulod ko sa iya balay, may gamay nga grupo sang mga Saksi nga nagahiwat sang ila miting. Gin-abiabi gid nila ako, gani nagpabilin ako kag nagpamati.

Nagpasugot ako nga magtuon sa Biblia, kag pagligad sang anom ka bulan nabawtismuhan ako. Ginbuligan ako ni Jehova nga mangin mas maayo nga tawo, nga indi ko masarangan kon sa akon lang.