GEORGIA
Impormasyon Tuhoy sa Georgia
Ang pagpamupo sang ubas makalilipay
Pungsod Ang Georgia may mataas nga kabukiran nga nakulapan sang yelo nga ang iban may kataason nga sobra 4,500 metros. Ang pungsod natunga sa duha ka dalagku nga bahin, ang nakatundan kag nasidlangan nga Georgia. Ang kada bahin ginahuman sang mga rehiyon nga may kaugalingon nga klima, kustombre, musika, saot, kag pagkaon.
Pumuluyo Ang kalabanan sa 3.7 ka milyon nga pumuluyo sang Georgia tumandok.
Relihion Ang kalabanan nga pumuluyo nagapangangkon nga Cristiano nga Orthodox kag mga 10 porsiento ang Muslim.
Lenguahe Ang Georgian nga lenguahe tuhay sa lenguahe sang mga kaingod nga pungsod. Ginapakita sang maragtas nga ang pinasahi nga Georgian nga alpabeto naimbento antes sang Kumon nga Dag-on (B.C.E.).
Palangabuhian Agrikultura ang palangabuhian sang madamo nga pumuluyo. Sining karon lang, nangin importante nga bahin sang ekonomiya sang Georgia ang turismo.
Klima Kasarangan ang klima sa nasidlangan nga bahin sang pungsod. Subtropiko naman ang klima sa baybayon sang Black Sea sa nakatundan sang Georgia, diin nagatubo ang madamo nga citrus.
Pagpamupo sang ubas sa rehiyon sang Kakheti
Pagkaon Tinapay ang ila panguna nga pagkaon. Ang tradisyonal nga tinapay ginaluto sa pugon. Malapuyot nga linaga nga may mga panakot kag dahondahon ang kinaandan nga ginahanda subong pagkaon. Ang paghimo sing alak bahin na sang ila maragtas. Ang tradisyonal nga alak gina-ferment kag ginapatener sa dalagku nga suludlan nga daga. Madamo nga pamilya ang may ulubasan kag nagahimo sang kaugalingon nila nga alak. Ang Georgia may mga 500 ka klase sang ubas.
Paghimo sang tradisyonal nga tinapay